曾記粿品

Open Now

Now Closed

呢間舖頭基本上唔洗點介紹就知道係食潮式糕點 -「粿」啦，不過除咗林林總總又有咸又有甜嘅粿之外，佢仲有一d大家唔可以錯過嘅嘢，講緊嘅就係蠔餅、炒粿條、炒麵線、魚麵，仲有一定要食埋個糖水清心丸豆爽。一睇落去，就有一個共通點，就係全部都係澱粉質，所以真心建議你一係分幾次食，一係就叫埋一大班朋友一齊食。呢d潮州食品味道雖然係好正宗，不過就比較油膩，所以真係要趁熱食，如果唔係就好易食到人食到飽飽滯滯，雖然係咁樣，但係都無阻我每次經過心思思想去食嘅衝動。不過提一提大家，呢間野係唔做夜市嘅。差啲唔記得講，端午節前一兩個星期，佢哋會暫停做粿，淨係做稯，佢d稯都好好食架！