Video
Read full review
2015-11-14
652 views
成日經過一間元朗西菁街嘅酒樓，亦都成日同老媽子講想去試下，所以今日特登同我家老媽子同埋林二小姐去飲個早茶。去到門口先知佢個名叫名匯。先讚一讚，假期一入去就有位，而且替我換枱布嘅侍應生有禮健談，問佢呢間酒樓係咪同我去開嘅名門讌客屬於同一集團嘅時候，佢亦對答如流，好好的服務態度，好可惜呢個讚已經係全篇食評中唯一一個........我地總共叫左4個點心，一碗燒鵝飯，除燒鵝飯外，全部質素都唔合格！杏仁脆奶卷呢個睇嚟係大良炸鮮奶改良版，加左一啲杏仁片喺面一齊炸，原意本來好好，但味道就做到真係唔知點講，外面嘅杏仁片炸到好過火，一擺入口已經成口𤓓味；饀料鮮奶只係得個甜字，奶味欠奉。流心奶黃包一搣開個包已經肥左佬，一啲流心都冇！如果就咁叫奶黃包，佢合格嘅，但佢叫流心的話就真係名不符實啦！奶黃味淡，冇蛋黃嘅甘香，又一失敗之作。點心併盤用鄧麵造果四款包括菜苗餃、什菌餃、蝦餃及潮州粉果全部唔合格，個鄧麵可以全部"淋bet bet ",一啲鄧麵皮應有嘅𡁻頭都冇，就算個蝦餃同什菌餃饀料做得唔錯，但係都抵銷唔倒外皮嘅不濟！中間件蛋黃馬拉糕叫做鬆軟，但奶黃味道都係唔夠香。最得一定係燒賣，少肥肉，鮮蝦瘦肉各佔四成有多
先讚一讚，假期一入去就有位，而且替我換枱布嘅侍應生有禮健談，問佢呢間酒樓係咪同我去開嘅名門讌客屬於同一集團嘅時候，佢亦對答如流，好好的服務態度，好可惜呢個讚已經係全篇食評中唯一一個........
我地總共叫左4個點心，一碗燒鵝飯，除燒鵝飯外，全部質素都唔合格！杏仁脆奶卷
呢個睇嚟係大良炸鮮奶改良版，加左一啲杏仁片喺面一齊炸，原意本來好好，但味道就做到真係唔知點講，外面嘅杏仁片炸到好過火，一擺入口已經成口𤓓味；饀料鮮奶只係得個甜字，奶味欠奉。
流心奶黃包
一搣開個包已經肥左佬，一啲流心都冇！如果就咁叫奶黃包，佢合格嘅，但佢叫流心的話就真係名不符實啦！奶黃味淡，冇蛋黃嘅甘香，又一失敗之作。點心併盤
用鄧麵造果四款包括菜苗餃、什菌餃、蝦餃及潮州粉果全部唔合格，個鄧麵可以全部"淋bet bet ",一啲鄧麵皮應有嘅𡁻頭都冇，就算個蝦餃同什菌餃饀料做得唔錯，但係都抵銷唔倒外皮嘅不濟！中間件蛋黃馬拉糕叫做鬆軟，但奶黃味道都係唔夠香。最得一定係燒賣，少肥肉，鮮蝦瘦肉各佔四成有多，單單以兩粒燒賣而言，味道算不俗。
小籠包
下下品，包厚兼硬，少湯，饀裏面嘅肉死死實實！燒鵝飯
8 views
0 likes
0 comments
總結: 埋單HK$250，三個人假日飲茶唔算貴，但呢個價絶對比起我成日去嘅飯堂名門𨯧客貴左二至三成，而且食物水準低好多，真係唔明，相同集團開嘅酒樓，裝修格局差唔多，又開喺相同區份，點解食物質素同價錢可以差咁遠？
Post
