名匯酒家 (Closed)

今日係農曆大年初六，我們同三姨媽三姨丈拜年兼慶祝三姨丈生日，所以我們去咗元朗西菁街嘅「名匯酒家」中午茶！我們叫咗臘味煲仔飯同鳳爪排骨煲仔飯嘅米飯好軟熟，飯焦唔算太多，但都幾香口脆身，臘味嘅芳香味滲入晒米飯入面，令到味道更加惹味，而且份量都幾多，相反食完臘味呢個就覺得鳳爪排骨嘅味道比較淡，排骨嘅肉質亦好爽滑！蜜汁叉燒腸嘅腸粉唔算好薄身，但都幾軟滑，叉燒嘅味道都幾香甜！鮮蝦菜苗餃嘅餃皮都算晶瑩薄身，菜苗好青嫩！圍村臘腸卷外層嘅包質相當軟熟，臘腸嘅味道非常爽脆芳香，同埋而家唔係有好多嘅酒家可以食到臘腸卷，所以特別有懷舊嘅感覺！鮮蝦帶子餃嘅賣相都幾精緻，蝦肉配上帶子粒，令到口感都幾豐富！蜜汁叉燒包嘅包質都幾鬆軟，醬汁嘅味道唔算好蜜汁！名匯蝦餃皇嘅餃皮比較厚身，但蝦肉嘅肉質唔係好新鮮，有啲霉嘅感覺！心太軟流沙包入面嘅流沙唔算好流沙，但味道好香甜濃郁！

好耐都冇食過啲咁渣既點心，基本上大部份都要比我地彈，名匯啲蔬菜類點心全部都變壞，我，我媽同姨姨三個都食到酸酸餿餿味，酒樓當然否認。我都好清楚講肉類點心冇問題，係蔬菜類有呢個問題，包括鮮蝦菜苗餃，娥姐粉粿同金錢肚啲白蘿蔔都出現變壞問題，好唔好食係其次，食物有冇變壞先最重要。鳳爪好乾冇咩汁，而且過份偏鹹，鮮竹卷啲肉餡食落有啲霉，係個海鮮餃好少少咁多，但冇咩味道。除左小籠包乾到冇汁，皮超厚，其他點心都算係咁，雖然都係麻麻😕魚粥其實魚幾鮮，可惜醃得話鹹得制，仲有魚鱗，粥就淡左啲。燒賣不過不失，冇咩特別。唯一鮮蝦 腐皮卷處理炸腐皮比較好，冇咩油，但啲蝦零鮮味。全個名匯最好食就係咸魚 肉片飯，咸魚咸香十足，肉片夠滑。

元朗茶樓多，同一地點開完執過又再開。名匯明顯比上一手好，但有好有唔好。豬肚湯抵食足料，明顯胡椒味足，湯料係喺屋企難洗嘅豬肚，唔會咁衰畀晒粉腸你。但韓式炒年糕唔ok ，已經太細碟，仲要痴極都芽菜。簡單菜式，想色可以返屋企自己整。點心拼盤ok，70-80 到，集中食到主要嘅主心。燒賣豬肉夠鹹。馬拉糕係奶皇味魷魚酥弱雞，太幼太細條，叫唔過。相反南瓜飯係全日驚喜，飲係紅米，睇落淺色，已經煮得太濕，但原來又ok ，食時可以刮南瓜蓉，感覺健康。中間又有鹹好的瘦肉伴住

是晚堂哥結婚，喺同村位置最近嘅西菁街擺酒。呢晚嘅菜式普通貨，但味道頗不錯。就講下其中一味 鮑魚鴨掌時菜。呢味色香好足，擺放得好好看，淋上獻汁令成個餸菜顏色亮麗。而味道也不錯，5會過咸，鮑魚炆得好淋，易咬，吃得到鮮味。而鴨掌膠質好豐富，啖啖軟骨皮，亦乾淨。時菜仍然翠綠，相信沒有久煮，咬落爽脆，甜菜味。

今晚同屋企人參加阿媽朋友女兒喜宴，地點在元朗名匯,這間新開約半年，我未來過飲茶，我之前看過食評好似好OK,阿媽朋友同阿媽透露話名匯要1萬一圍，她有冇誇大就不得而知,觀看今晚菜色感覺不值咁貴 ,鮑魚味道一般,個汁仲好咸,屋企人話吃到有苦味 ,清蒸石班就都OK,魚肉味道夠滑 炸蟹肉味道亦都麻麻. 橙汁味道好酸. 生果都OK ,名匯整體出品亦麻麻 ,清湯雲吞就淡而冇味 ，紅豆沙就OK,味道不是太甜 今晚的喜宴味道真的不太好味,這裡服務都OK,10:00就散場了 ，因為女方請大陸親友為主，大陸人不習慣太夜吃 結婚是開心的事 ,我不會自己再來

成日經過一間元朗西菁街嘅酒樓，亦都成日同老媽子講想去試下，所以今日特登同我家老媽子同埋林二小姐去飲個早茶。去到門口先知佢個名叫名匯。先讚一讚，假期一入去就有位，而且替我換枱布嘅侍應生有禮健談，問佢呢間酒樓係咪同我去開嘅名門讌客屬於同一集團嘅時候，佢亦對答如流，好好的服務態度，好可惜呢個讚已經係全篇食評中唯一一個........我地總共叫左4個點心，一碗燒鵝飯，除燒鵝飯外，全部質素都唔合格！杏仁脆奶卷呢個睇嚟係大良炸鮮奶改良版，加左一啲杏仁片喺面一齊炸，原意本來好好，但味道就做到真係唔知點講，外面嘅杏仁片炸到好過火，一擺入口已經成口𤓓味；饀料鮮奶只係得個甜字，奶味欠奉。流心奶黃包一搣開個包已經肥左佬，一啲流心都冇！如果就咁叫奶黃包，佢合格嘅，但佢叫流心的話就真係名不符實啦！奶黃味淡，冇蛋黃嘅甘香，又一失敗之作。點心併盤用鄧麵造果四款包括菜苗餃、什菌餃、蝦餃及潮州粉果全部唔合格，個鄧麵可以全部"淋bet bet ",一啲鄧麵皮應有嘅𡁻頭都冇，就算個蝦餃同什菌餃饀料做得唔錯，但係都抵銷唔倒外皮嘅不濟！中間件蛋黃馬拉糕叫做鬆軟，但奶黃味道都係唔夠香。最得一定係燒賣，少肥肉，鮮蝦瘦肉各佔四成有多

新界西對我來說，是一個陌生得不能再陌生的地區。元朗對我來說，是一個有山有水有牛的地方，僅有的知識就是大馬路的榮華和大棠的度假村。輕鐵對我來說，就像玩具火車。想不到，朋友的一個邀請，讓我獨自踏進這個神秘小鎮。第一次坐輕鐵，沒有閘門的「入閘」與「出閘」令我手足無措。拿著手機，開著Google map，總算讓我找到朋友約我去的酒樓，位於元朗西青路10號的名匯酒家。由於我找路找得太久了，到了名匯，大家都到齊了，已經準備上菜。第一道菜是［鮮准山杞子炒斑躉球］。賣相很不錯的，西芹、鮮准山、黃椒配襯著斑球，色彩豐富，芳香撲鼻。鮮准山很軟熟，不會太硬。這個炒斑球鑊氣十足，放了十幾分鐘後，斑球還是熱的，也不會有魚腥味。魚的熟透程度剛好，很滑很嫩。我吃了很多塊斑球呢！然後是［明爐燒北京片皮鴨］。片皮鴨是香港人很喜歡的中菜，但有些酒家總是處理得不好，一咬下去整口都是油，有些更加會滴油，令人狼狽不堪。名匯的片皮鴨做得不錯，油份不會過多，多吃幾片也不覺膩，部長的刀功也不錯，每片皮都帶一點點肉，比例恰到好處。配上熱烘烘的餅皮和特製的醬汁，實在令人回味。接著是［泰式南瓜咖哩雞］。這道中泰Fusion菜不像一般泰菜那

平時入元朗，多數都會食B仔雞翼尖、永年等出名小食，好少真係坐定定食一餐。因為探完親戚，所以近近地揀左呢間名匯酒樓再續未傾完的話題。鮮准山杞子炒班躉球准山爽口，班躉又滑又新鮮。同杞子一齊煮，感覺清新健康，而底部有大量西芹，真係夠曬健康。明爐燒北京片皮鴨薄薄既皮包住片新鮮切出的既鴨片， 再配上京荵同醬汁，忍唔住食左2大件。蜜餞欖角骨排骨切得細小，一口一粒，非常方便。炸到脆脆地，配埋蜜餞甜甜地，外脆內軟，一D都唔溜，好惹味！泰式南瓜咖哩雞咖哩雞夠曬香濃又夠多汁，要泥撈飯食味道一流呀！不過D雞可以再滑小小就好啦!芝士焗西蘭花西蘭花配埋芝士又幾特別，不過有少少濟，食完要飲多D茶消下濟!玉帶三層樓賣相非常精緻，第一層是帶子，第二層菜芯，第三層秘制豆腐，豆腐味道可再濃一點!芒汁大蝦球芒汁沾滿在蝦球上，芒汁味道不見明顯，蝦球爽脆，不錯的!豆角炒茄子豆角炒得干身C脆，茄子腍而入味，加埋欖菜一齊炒令整個菜倍感惹味。奇脆拔絲骨拔絲可以拉很長…很長，吃起來有點像出面食到的生炒排骨，甜甜酸酸，我吃了一件又一件，停唔到口。最後，總結一下今餐晚飯，店員都好好客，見無水會幫我地主動加，食物太多又主動幫我地轉過細碟，服

(自2015年8月中開始，食家BunnyMeow會暫停創作小說型食評。過去不少食評以短篇愛情小說連載，每間餐廳都跟一個純虛構的前度用餐。BunnyMeow一直不間斷地收集和出賣身邊朋友的愛情故事。 『你覺得篇篇都唔同風格，只不過因為世界上就是有些人，是可以像我一樣 versatile 的，明嗎?」 除非好有靈感，bunnyMeow可能再寫創作純創作故事型食評小說）今次來元朗名匯酒家，地點尚算易找。不過店內有人唱著「沒料到我所失的，竟已是我的所有。」感覺太懷舊，太令人這酒樓未免太可愛。奇脆拔絲骨由入行已有35年的霍錦輝師傅發明，將香港地道菜式加入新加坡元素，成為帶點東南亞風味的新式粵菜。咕嚕蝦球暗暗帶有偏甜的新加坡風格，將糖醋汁煮得黏稠成拔絲狀，每顆咕嚕肉都沾滿充足的醬汁。糖醋汁煮至稠身並起膠，拉絲一刻，令人感動。北京片皮鴨片皮鴨味道方面，鴨皮由阿姐負責片，薄薄的脂肪十足，我最愛脂肪，所以感覺的確不錯。鴨肉肥膩才是正貨！juicy 的片皮鴨真的好好吃。淮山杞子炒班球炒斑球的XO醬味雖不夠突出，但是斑球仍然是不俗的，至少夠新鮮。以快炒方法封鎖其鮮味，海鮮味道的確出眾。玉帶三層樓翡翠玉帶三層

最近露比入了元朗探朋友～咁入得元朗～梗係要搵好野食ga啦！不如就試下中菜～＼名匯／！第一道上的是。。～鮮准山杞子炒班躉球～准山好爽口～班躉球都好滑好新鮮！仲有露比飲湯時最喜歡的准山杞子配～好味道！之後～立即送上令全檯人興奮的一味。。＼明爐燒北京片皮鴨／！有請部長姐姐親自操刀～完成～上檯！搓得薄薄的皮，包著厚肉多汁的片皮鴨；再加上香蔥及醬汁～熱辣辣的，香濃好味！下一道，送上＼蜜餞欖角骨／！炒到香香地～蜜餞甜甜地，欖角鹹鹹地咁，好配合！之後。。＼泰式南瓜咖哩雞／！泰式的手法煮咖哩雞～夠惹味～南瓜煮得淋。。d汁送飯就最好！再來清d ge，＼玉帶三層樓／！第一層帶子，鮮嫩無比～第二層菜芯，好爽脆～第三層秘制豆腐，好香，一入口，好軟滑呀～可以濃味番少少喇。。＼芒汁大蝦球／！plating 好靚～食一啖蝦球，脆脆地好好味～再食一啖菜芯，又好清新呀～來到最特別一道喇。。＼奇脆拔絲骨／！見到面頭芝麻已好吸引～咁拔絲先。。睇下，拉到好長下！拔絲骨食落好脆好香口！再配合酸味味 ge 汁～好正呢！入元朗，估唔到中菜都咁好食！好滿足的一餐呀～地址：元朗西菁街5號地下

周末探望長輩.晚上到附近的名匯酒家晚飯.第一次吃,裝修新淨.點了幾個小菜很喜歡吃咖喱,這個泰式咖喱雞,份量十足,香料芳香撲鼻茄子 及 南瓜軟綿好味,而且滲滿了帶甜的咖哩汁,拌飯一流茄子炒豆角, 火喉剛好原隻帶子爽口彈牙,蟹子加玉子豆腐,相當有趣的組合,而且賣相吸引價錢合理.當晚等待時間不算長.找機會再試

明爐燒北京皮片鴨肉地夠多，皮夠厚，肥瘦適中，一隻鴨差唔多片到大概15片左右咋，可想而之1片有幾大片了吧？我就食了1大片喇!包皮  都係適中，唔會太厚一舊粉咁，包住塊鴨一啖食落肚就最爽ＹＹ了。鮮准山杞子炒班躉球班躉球新鮮彈牙，而且少有地拼埋准山同杞子一齊煮，感覺份外健康清新。雖然有少少油膩，但有大量西芹在底部中和返個肥膩既感覺，一次半次應該冇問題的。蜜餞欖角骨　－　大愛 又咸又甜既菜色幾時都會好食Ｄ！對比我之後會介紹既奇脆拔絲骨，佢比較冇咁甜，而且有更多從蜜餞帶來既清新口感。加上，每件排骨都切得細細舊，外層炸得脫脆地，而且肥瘦都係適中，外脆內軟，Ｄ肉一Ｄ都唔硬，好入味又正！ 玉帶三層樓清清既一道菜，也比我有勁勁地既驚喜，再一次，豆腐炸得外脆內軟，上面有一片爽脆既菜片，再放上帶子，上面仲有螿子。其實佢係一個口腔的派對，　a.k.a. Mouthgasm 佢特顯左脆同軟既對比，連我都變糊塗了。一口吃下去時真的是百感交集，難以形容。芒汁焗蝦球味道好好，但芒果味不重，粉皮正常分量，唔太厚又不會太薄，只是希望芒果味可以更重一點，又或者可以加少許芒果肉，但最後其實味道還是非常不錯，味道濃郁，更

住得近元朗, 經常會周圍尋覓新食堂這次與家人經過這裡, 發現新開了間酒家,便進去試試。以下為我認為較特別的。奇脆拔絲骨 $88糖醋腩排煮焦糖其實就像是拔絲香蕉的變奏，可拉起長長的拔絲，玩味濃。味道偏甜，宜作頭盤。蜜餞欖角骨外表黑黑的，不太討好，但吃下夠熱，頗惹味，是拌飯的良朋! 

身為元朗人 見到有間新開既名匯酒家平日既夜晚黎到 都幾多人咼睇到餐牌有北京片皮鴨咼 要試試話說 我係好鍾意食北京片皮鴨的xd睇住酒家職員好細心咁片開隻鴨 好香好香一放上枱瞬間就清哂lol用薄薄既皮包住片出黎既鴨肉 最佳配搭鴨皮脆卜卜 點埋醬汁一齊食 有水準！第二道餸叫左芒汁大蝦球芒果汁配大蝦球呢個配搭幾特別 唔係到到食到 原來又幾夾咼大蝦球大大舊 啖啖肉配上芒果汁 帶出一點甜配搭新穎 又幾啱我口味又想食魚 因為懶既關係 揀炒班躉球就啱哂 冇骨嘛xd鮮准山杞子炒班躉球 班躉球肉厚 真材實料 而且非常彈牙 又冇魚骨 食既時候非常方便呢芝士係我另一大愛黎到酒家 都比我發現有芝士既菜式芝士焗元貝配西蘭花用左西蘭花放底 圍出一道圍牆 圍著大大舊既元貝 真係幾大舊架！但元貝既份量可以再多d 略嫌不夠西蘭花有點喧賓奪主大讚蜜餞欖角骨！好入味 好明顯食到蜜餞既甜味甜度剛剛好 唔會過份熱辣辣 非常惹味份量亦多 我食左好多舊xd不忘呢到既招牌菜-奇妙拔絲骨隨意夾起一舊排骨 都能夠拔起長長既糖絲 視覺效果已取勝酸酸甜甜既醬汁加上芝麻 幾開胃加上一碗白飯最啱另一道我欣賞既菜式看似簡單既配搭 又幾吸引豆腐煎得非

今晚同屋企人求其搵間酒家試吓, 見佢裡面冇咩人唔駛等位, 知道佢係新開張, 所以入去試試佢我哋叫咗幾味都小菜! 首先呢個鮮准山杞子炒班躉球, 比想像中OK, 雖然佢係炒但係都煎香咗班躉球令到佢外脆內嫩之後就到片皮鴨, 老實講係好普通, 但係佢嬴在$68, 嗌多幾隻食都得個皮黐住哂, 搣開有D麻煩跟住真係要介紹呢一味, 叫做蜜餞欖角骨, 佢感覺似鎮江骨,但係加上佢既蜜糖表面,排骨又林!真係好好食,仲有呢碟餸上枱好一段時間仲可以好熱辣辣,可能因為蜜糖表面保住熱力,我自己食咗5-6件,你就知有幾好食其餘呢D都冇咩特別, 但係唔難食, 全部都可以!有少少泰國咖喱風味呢味叫玉帶三層樓,得好睇,味道一般,一夾到碗度就散哂呢味係芝士焗帶子,肉超厚,芝汁味勁香濃芒汁大蝦球,唔鍾意既人會覺得芒果配落去味道好怪最後呢味最出名既奇趣拔絲骨,因為佢真係好脆,但我覺得食炸粉多過肉,大家夾起佢既時侯都會鬥吓邊個拔絲拔得長,佢都好食,不過都係敵不過蜜餞欖角骨!Yummy