嚐囍煲仔小菜

Open Now

Now Closed

今日專登約埋媽咪一齊去飲茶，堅尼地城附近真係好少酒樓可以選擇，平時見到嚐囍呢間餐廳好多人排隊咁我哋就決定試吓，我哋大約1點半到咗門口，前邊應該有兩組人等緊。大約等咗半粒鐘，職員問我哋搭唔搭枱，佢話一隻好大嘅枱，咁我哋既然三個人都可以嘅，入到最入邊，原來張枱坐得好迫，咁我哋唔想搭枱。見到有一張枱啱啱執好枱，咁我哋同職員講我哋想轉枱，佢就話呢張枱要坐五個人我哋得三個人唔可以坐，態度惡劣而且好大聲。但係當時外面都沒有人等位，老公終於忍唔住大聲話返個職員。最後我哋都係照坐。佢都唔敢再出聲。我哋叫咗7個點心加一個煲仔飯。鮮蝦腸粉非常軟滑，好易入口金錢肚夠晒入味水晶蝦餃皮薄餡靚陳皮鳳爪有陳皮香味，唔錯流沙千層糕中間有淡淡奶黃香味，而且食落好鬆軟流沙包略為普通，中間奶黃不夠流沙。臘味油鴨煲仔飯真係好香，仲有飯焦好味。令人好開胃。