鋿晶館

Open Now

Now Closed

想搵一間好味又有特色嘅點心店真係越嚟越難😆 母親節帶咗媽咪嚟呢一間位於上環嘅鋿晶館飲茶食點心，大家都覺得好好食，好滿意😍😍 呢度所有點心現場即點即做，手作點心🤩 原來師傅曾就職於日本東京富麗華多年😎 專為高管達人同明星服務，回港後係多間米芝蓮酒店及大型連鎖酒樓集團做主管，經驗老到😎 上環分店一共有三層，地方闊落，係傳統老牌酒樓格局👍 🌟黑松露鮮蝦燒賣呢個食落黑松露味勁香🤩🤩蝦肉同豬肉比例啱啱好，食落爽口新鮮🥰🌟鋿晶館蝦餃皇必食之選😎 蝦餃大大粒，皮薄餡靚🫶🏻🌟黑椒醬金錢肚賣相勁靚仔😍 上枱超級熱辣辣👍 金錢肚朔晒香濃惹味嘅黑椒汁，越𡁻越好味😬🌟龍皇蝦春卷呢個推薦大家一定一定要叫🤩🤩🤩真係超好食🤤而且出面好少做到呢個味道，佢加入咗好多嘅椰菜喺入邊，平衡左油膩感，而且多咗蔬菜嘅鮮甜🤤🌟黑魚子百花玉子豆腐呢個又係特別，出邊我都未食過😆 估唔到呢個配搭係咁好好食🤤🌟牛肉球啖啖肉超好食🤤 🌟麻醬茄子呢個係冷盤，厚切茄子非常新鮮，點麻醬食清新開胃🥰呢度嘅點心真係又特別又好食，雖然佢嘅定位係傳統酒樓，但係啲點心又好創新🤩 性價比都好高，非常推薦🫶🏻