駟馬拖車潮州飯店 (MOSTown新港城中心(4期)) (Closed)

知道屋企附近開左哩間新中菜，所以趁得閒就即刻嚟嘆吓茶。早幾日同屋企人嚟食下午茶，嚟到都幾多人等位，不過好快就有位可以入座。先來一壺玫瑰花🌹茶，每枱旁邊都有一部自動加水及保溫嘅機，好方便！🔸蒜蓉蝦春卷炸得香脆，入面有好多蝦、足料！而且唔會話好油。🔸潮州蒸粉果皮好晶瑩剔透，食落煙韌，包咗好多餡料有花生、肉碎、馬蹄、中芹，好味！🔸蜜汁叉燒腸腸粉夠滑！而叉燒份量都幾多，食得出蜜汁味，唔錯！🔸大地魚燒賣燒賣入邊嘅蝦都幾大隻，蝦同肉嘅比例都啱啱好，咬落去有肉汁。🔸椒鹽九肚魚熱辣辣炸起好脆，好好味。九肚魚好滑、無骨，點喼汁食好正。🔸爆口叉燒包叉燒包入邊啲餡多到就嚟要留出嚟，醬汁香濃入邊有好多粒粒叉燒，足料好味，個包都好鬆軟。