名館 (Closed)

星期日同媽咪飲茶，媽咪最近同朋友試咗間正嘢，呢日帶我嚟食。128蚊任食40款以上點心！任叫任食，即叫即蒸！點心仲要唔係普通貨色，呢到走嘅係精品路線，配合有創意嘅特別造形，仲要免茶位，性價比極高！🔷宮廷點心盤(由上至下)🔸銀湖天鵝酥：賣相100分既天鵝造型，非常可愛。層層酥皮仔細精緻，口感鬆化香脆，入面既紫薯餡軟糯香甜。🔸鎮江水晶淆肉：水晶凍質感彈牙，肉質香嫩，配埋香濃鎮江醋，啖啖滋味。🔸青檸奶凍：青檸奶凍配上鮮果粒，十分清新。🔸抹茶奶凍：茶味香濃，唔太甜，唔錯。🔸雲南涼拌貓耳朵：味道酸甜清新，貓耳朵食落脆卜卜，好開胃。🔸泡椒魚皮絲：新鮮魚皮，口感爽彈有驚喜，而且麻香十足又帶點辣，越食越過癮。🔸金箔紅菜頭餃：賣相貴氣，面層金箔好搶眼，入面有大大隻彈牙鮮蝦，好鮮味。🔷雪茄鮮蝦春卷大大枝雪茄，原來係蝦春卷！外皮好脆，內裡餡料脹卜卜，有鮮蝦，木耳，雜菜，足料好味。🔷流心紫薯果紫薯果係紫薯蓉包住流心奶皇，面層炸得香酥鬆脆，紫薯味香甜，奶皇香濃。🔷螞蟻上樹餃餃皮透薄煙韌，餡料飽滿，有菜有蝦，顏色吸引，健康之選。🔷鮮肉一品小籠包皮薄肉嫩多汁，食嘅時候最緊要小心熱。🔷大良鮮奶脆網卷外皮金黃香脆，鮮奶餡