點‧粵 (Closed)

平時都幾鐘意食點心，見到呢間「點‧粵」環境舒適～點心每日由師傅現場製作，各式中菜則由曾出任米芝蓮餐廳及知名食府嘅主廚主理，食下先鐵觀音，清清地，幾香～⊙美顏酪梨炸蝦角脹卜卜嘅蝦角炸至金黃色，食落好香脆唔油膩，入面包住彈牙爽口嘅蝦肉🍤同埋香滑嘅酪梨🥑，點少少沙律醬味道更豐富！⊙波波脆鲜蝦米網腸粉食落外滑內脆，好足料，每一啖都食到鮮甜彈牙嘅蝦肉，好好食😋⊙點粤生輝蝦蝦蝦餃新鮮即蒸，睇落已經好吸引🤤餃皮煙韌够薄，包住滿滿嘅蝦肉，十分彈牙鮮美，好食！⊙笑哈哈鲜蝦菜苗餃大大隻錎料好豐富，餃皮煙韌，食落好鮮甜⊙羊肚菌燒責皇后綠色燒賣皮比較少見，包住相對偏瘦嘅猪肉，面頭有一塊羊肚菌，食落口感彈牙，味道幾特別