叁薯 (Closed)

係花園街行行下想搵d野食下，見到一間鋪個名咁特別就去睇下。 鋪頭細細，主要賣外賣焗薯。 叁薯發音"三薯"我估應該有三種焗薯，望望餐牌，點止得三種焗薯，有芝士忌廉，芝士煙肉，吞拿魚，沙律蛋等等既口味，仲有其他小食。 醬燒茄子，燒得好淋，平時燒茄子用左大量既香蒜去燒，所以都好勁蒜味。而呢個醬燒茄子就比較清，加左少少醬油，蔥花同炸蒜，清得嚟都有番少少味道。 重量級芝士焗薯，應該係鋪頭重點推介。其實係芝士酸忌廉焗薯，即叫即焗。焗薯係原隻既薯仔，焗薯既表面有溶溶既芝士酸忌廉，切開焗薯，仲見到有煙出，非常新鮮。芝士酸忌廉連焗薯食，creamy 得嚟，又可以食到焗薯既口感。 雞蛋沙律焗薯，同重級芝士焗薯一樣都係用原隻焗薯，不過上面就用左雞蛋沙律。雞蛋沙律本身已經口感豐富，連埋焗薯食，其實口感似薯仔雞蛋沙律，但咁凍既天氣真係唔會想食凍凍地既雞蛋沙律，所以用焗薯去提升番個溫度就岩晒。 自家制檸檬薏米水，今日咁凍都唔係好想飲凍野，整番一樽唔凍既檸檬薏米水，健康又解渴。食完呢餐之後我知道自己估錯晒，叁薯一定不是三薯咁簡單。