Video
Read full review
2018-05-24
42 views
邊個話出面34度熱就唔可以打邊爐架？ 開住冷氣打咪唔熱囉。是日假日，同朋友行完荃灣一帶之後想搵個地方可以坐耐d傾下計，最後揀左黎大鴻輝中心嘅「鮮一夜火鍋 」。一夜皇御套餐＄268一位，有任食火鍋兩個半鐘頭，仲有紅燒花膠翅，掌上明珠配糖心靚鮑魚，五色刺身拼盤，同埋即炒奇妙雞煲。火鍋方面，有多個湯底選擇，仲有海鮮拼盤，安格斯肥牛，各式各樣火鍋配料，啤酒汽水仲要係任飲添。落單之後，店員好快就為我地送上花膠翅同埋靚鮑魚。花膠翅好香濃，非常足料，花膠都算幾大塊，咬落去都頗有膠質。原隻鴨掌配上濃郁嘅鮑汁，加埋有咬口嘅鮑魚，唔錯。好快我哋嘅雞煲就到啦。雞煲可以揀唔同嘅辣度，我哋叫咗小辣，雞嘅份量一啲都唔少，加左蒜頭同莞茜煮之後仲散發出香噴噴嘅味道。食到半路，係時候叫湯底及火鍋配料，準備打邊爐啦。有別於其他鋪頭，呢度食完雞煲後，店員會換上全新嘅煲俾客人打邊爐，我哋叫咗莞茜皮蛋鍋，清清地，都幾好味。醬料方面，呢度嘅款式都好多，仲有比較罕見嘅桂林醬添。係呢個時候，五色刺身拼盤就到啦。刺身分別有三文魚，帶子， c赤蝦，希靈魚同埋北寄貝，全部都好新鮮，而且仲係厚切添。食完刺身後，係時候打邊爐啦。航母海鮮拼盤:
是日假日，同朋友行完荃灣一帶之後想搵個地方可以坐耐d傾下計，最後揀左黎大鴻輝中心嘅「鮮一夜火鍋 」。
一夜皇御套餐＄268一位，有任食火鍋兩個半鐘頭，仲有紅燒花膠翅，掌上明珠配糖心靚鮑魚，五色刺身拼盤，同埋即炒奇妙雞煲。
火鍋方面，有多個湯底選擇，仲有海鮮拼盤，安格斯肥牛，各式各樣火鍋配料，啤酒汽水仲要係任飲添。
落單之後，店員好快就為我地送上花膠翅同埋靚鮑魚。
花膠翅好香濃，非常足料，花膠都算幾大塊，咬落去都頗有膠質。
原隻鴨掌配上濃郁嘅鮑汁，加埋有咬口嘅鮑魚，唔錯。
好快我哋嘅雞煲就到啦。雞煲可以揀唔同嘅辣度，我哋叫咗小辣，雞嘅份量一啲都唔少，加左蒜頭同莞茜煮之後仲散發出香噴噴嘅味道。
食到半路，係時候叫湯底及火鍋配料，準備打邊爐啦。
有別於其他鋪頭，呢度食完雞煲後，店員會換上全新嘅煲俾客人打邊爐，我哋叫咗莞茜皮蛋鍋，清清地，都幾好味。
醬料方面，呢度嘅款式都好多，仲有比較罕見嘅桂林醬添。
係呢個時候，五色刺身拼盤就到啦。刺身分別有三文魚，帶子， c赤蝦，希靈魚同埋北寄貝，全部都好新鮮，而且仲係厚切添。
食完刺身後，係時候打邊爐啦。
航母海鮮拼盤:
呢個拼盤每日都提供七款時令海鮮，每樣都非常新鮮。
基圍蝦:
肉質鮮甜彈牙
安格斯肥牛：
肉味濃郁，因為切得好薄，所以碌一碌就熟。
響鈴 :
即叫即炸既響鈴，輕輕放入湯內淥過後，外軟內脆，吸收左湯底既精華後真係格外好味。
手打豬肉丸：
入口新鮮好味而且爽口彈牙。
麻辣鱈魚湯包：
一咬入口即刻唧出湯汁，食果時一定要好小心╴唯一美中不足嘅係佢一d都唔辣。
鮮蝦水餃：
皮薄餡靚，仲要大大隻，非常好食。
食完咁多野，梗係要飲返d野架啦。呢度所有汽水都係任飲，怕肥嘅話仲可以揀coke zero 添。食完咁多濃味嘅野，可以食返碗雪榚做甜品添呀。
Post
