華嫂冰室 (Moved) New Location

一路聽聞華嫂冰室呢間店，但一直未有行動，因為的唔起心肝入元朗。雖然分店開到九龍，但總係有個念頭：既然有總店，點解唔去總店先！難得星期六唔賴床，孖住朋友踩入元朗總店，一於叫個菠蘿包試試。*環境 當日算係天朗氣清，等位嘅地方有凳坐住等，但如果落雨唔知道會點安排呢。村屋格局，典型「 上居下舖」，地下嗰層就是華嫂，感覺係family business，街坊鄰里一齊招呼你。*招牌菠蘿包食左就知不得了，華嫂名物正呀喂！菠蘿包脆脆，加埋牛油、雞蛋、蕃茄瞬間融化。未試之前覺得有啲fusion怪怪地，放入口即刻嚟料，配搭出奇地夾。鮮茄豬排雞翼通粉豬排唔好唔叫，食過菠蘿包要試埋醃得勁入味嘅豬排，仲有濃濃嘅蕃茄湯底。香煎豬排冬蔭公湯底繼續推薦豬排，煎到少少金黃，果然係香煎嘅朋友。話梅柑桔天氣凍拎住杯熱飲係溫暖啲嘅🍊*雖然等候時間會令人卻步，但華嫂有別於一般連鎖快餐店，有時食嘢食埋人情味㗎嘛。就好似當日華嫂同等緊位嘅人有講有笑，換轉係快餐廳就未必見到呢一幕情景。其實偶然離開高樓大廈，入元朗走下行下放下腳步都好寫意。