亞古鍋 (Closed)

早前係同男朋友的1年半紀念日，查實我地都好鐘意打邊爐架，聽朋友介紹話金朝陽呢度有間好有格調既邊爐，一於黎試下啦！ 一見到門口，已經好有格調，似高級西餐廳既格局。枱與枱之間空間感多，唔怕逼。打邊爐既湯底都簡左好耐🙈因爲～每～款～都想試！最後簡左貴妃鍋，成份有當歸、人參、桃膠、重點是所有材料釀入原隻竹絲雞內，好足料呀！店員介紹是話要等個湯滾起，就會幫忙剪開雞件，等所有食材落入湯底，先好飲個湯。第一啖飲落去，同男朋友都互望比眼色，好飲！仔仔本身鐘意飲湯，足吾足料，有無味精，一飲就知👍🏻我地一人飲左三碗🤣飲完湯，食物都隨隨端上。 細份量的蔬菜拼盤，如果二人食，份量都幾多。 來一張全家福先😍安格斯牛肉粒，口感爽，淥大約3分鐘就8成熟水餃係我地食任何火鍋都會叫架，芹菜鮮蝦水餃真係好正！驚喜既係鮮蝦味無被芹菜味蓋過，可想而知鮮蝦係有幾鮮甜😍手切安格斯肥牛，外型已經好吸引，碌10秒剛剛好，肉質睇相已知新鮮，肥瘦度平均！脆肉鯇魚是我呢餐最愛既一碟，三個字: 鮮-爽-脆，絕對值得encore ! 依家打邊爐除左環境外，更重要當然是食材既質素，呢餐一D都吾平，但就勝在環境同食材都鮮，值得！