Video
Read full review
2014-11-27
1588 views
話說呢, 我地屋企基本上日日都會煮飯, 由爸爸操刀多~ 咁梗係以中式小炒為主 今次, 到我生日喇 ! 出街食得多日式/ 泰式/ 韓式都會悶既, 想有D新意思, 轉下新口味~ 比我起OPENRICE發現左呢間起元朗<法老王>有埃及菜食, 加埋評語不錯呢~~即刻打電話訂位, 我唔算太熟元朗D地理位置, 訂位時貪方便問埋邊個站下車會近D XD ~ 估唔到我約左7:30食晚飯, 7:00左右店方打電話比我呢, 我仲以為係同我CONFIRM BOOKING~ 原來係問我識唔識過黎, 好貼心~ 好易搵, 起大棠路站下車, 行去好快就到~店子不算大, 可以坐20幾人到啦, 門外同門內&傢俬同樣充滿佈置, 加埋店內播既音樂 , 令到小店同樣可以感受到埃及風~ XD睇下埃及MENU先, 放心, 入面有繁體字既~ 哈哈一行5人, 點菜開餐~中東式薄餅 - 羊肉卡巴 $62 / 牛肉卡巴 $59店方自家制麵包軟熟, 包著蔬菜, 同自己挑選既肉類, 醬汁有3款 (薄荷/ 蒜/ 辣), 隨意加D醬汁上卡巴食, 正!炸魚伴薯條 $55即叫即炸, 魚柳是龍脷魚, 魚用醃料處理後, 味道香~ 炸粉亦都
今次, 到我生日喇 ! 出街食得多日式/ 泰式/ 韓式都會悶既, 想有D新意思, 轉下新口味~ 比我起OPENRICE發現左呢間起元朗<法老王>有埃及菜食, 加埋評語不錯呢~~
即刻打電話訂位, 我唔算太熟元朗D地理位置, 訂位時貪方便問埋邊個站下車會近D XD ~ 估唔到我約左7:30食晚飯, 7:00左右店方打電話比我呢, 我仲以為係同我CONFIRM BOOKING~ 原來係問我識唔識過黎, 好貼心~
好易搵, 起大棠路站下車, 行去好快就到~
店子不算大, 可以坐20幾人到啦, 門外同門內&傢俬同樣充滿佈置, 加埋店內播既音樂 , 令到小店同樣可以感受到埃及風~ XD
睇下埃及MENU先, 放心, 入面有繁體字既~ 哈哈
一行5人, 點菜開餐~中東式薄餅 - 羊肉卡巴 $62 / 牛肉卡巴 $59
店方自家制麵包軟熟, 包著蔬菜, 同自己挑選既肉類, 醬汁有3款 (薄荷/ 蒜/ 辣), 隨意加D醬汁上卡巴食, 正!
炸魚伴薯條 $55即叫即炸, 魚柳是龍脷魚, 魚用醃料處理後, 味道香~ 炸粉亦都不厚~ 有改進地方，炸物偏油。
燒烤拼盤 $285以羊為主, <有羊架/ 羊腿/ 羊肉串燒/ 羊肉餅, 同烤雞>~ (岩晒鍾意食羊既粉絲 ）
拼盤食物比我想像中小左d~ 味道方面呢, 醃料入味, 香料配撘得好, 同羊肉確實MATCH.
最好食係個羊腿, 非常之嫩滑! (推介大家一試)
羊架, 肉質好林, 可惜少左份JUICY感~
羊肉串燒, 肉質結實, 但咸左小小~羊肉餅同羊肉串燒口感很似, 反而羊肉餅無味道偏咸情況出現喎。
燒魚伴橄欖油檸檬 $115用橄欖油, 檸檬&香料醃過靖魚, 把魚入口有油香感, 加埋黃薑飯係用新鮮黃薑整, 好味道呢~ 聽說黃薑飯好有益，食多幾啖先^_^
店內有蒸餾水供應!
今晚，食得開心呢。第一，雖然係小店，但服務好好之外仲好細心。
第二，生活起香港係幸福事，想食各式各樣既菜式都可以搵到。
如果你都想轉下口味，食下埃及菜，咪比下機會呢間「法老王」囉
Post
