Video
Read full review
2023-12-12
43 views
早餐上次叫咗雙併蕃茄湯米通粉配熱檸檬茶今次試下個通粉，叫咗雙併蕃茄湯通粉配熱奶茶佢個雙併嘅選擇有牛肉、豬肉、腩肉、豬膶、雞肉及魚片頭可供選擇。今次揀咗牛肉同豬肉其實叫之前都有個疑惑：究竟豬肉腩肉嘅分別起邊？嚟到就清楚明白，原來豬肉係瘦肉片，腩肉就連皮及皮下脂肪及瘦肉嘅豬肉片（因為上次食過），既然係咁，點解唔索性叫肉片呢？呢個係茶記慣常嘅叫法。或者我陰謀論去諗：會唔會係方便走位，靈活調配甚或更改食材呢？萬一無全瘦肉，可以用半肥瘦，甚至肥豬肉代替，一樣都係豬肉噃，仲有，唔一定要切片，可以切厚啲，甚至切肉絲都得，一樣無違法，一樣無呃人噃，好嘢！👍講返碗通粉，個湯一如之前食過嘅一樣，係偏鹹嘅蕃茄湯，有蕃茄粒，唔似老麥咁畀個實情係罐頭湯嘅所謂蕃茄濃湯。通粉軟硬適中，亦無食到成口粉，質素唔錯，但同米通粉比較嘅話，我會揀米通粉，始終米通粉起香港比較少食到。牛肉同豬肉嘅比例大概係1:2，都啱嘅，牛肉貴過豬肉嘛！下次叫個雞肉嚟試下，睇佢畀嘅係雞嘅邊部份肉先？千祈唔好係嚡口嘅雞胸肉就好啦！奶茶慣例要啡糖，亦都慣例唔用支搞棍，用筷子搞，食力啲，勻循啲，下次叫姐姐收返支攪棍，唔使浪費。今次杯奶茶濃咗啲，唔夠滑
上次叫咗雙併蕃茄湯米通粉配熱檸檬茶
今次試下個通粉，叫咗雙併蕃茄湯通粉配熱奶茶
佢個雙併嘅選擇有牛肉、豬肉、腩肉、豬膶、雞肉及魚片頭可供選擇。
今次揀咗牛肉同豬肉
其實叫之前都有個疑惑：究竟豬肉腩肉嘅分別起邊？
嚟到就清楚明白，原來豬肉係瘦肉片，腩肉就連皮及皮下脂肪及瘦肉嘅豬肉片（因為上次食過），既然係咁，點解唔索性叫肉片呢？呢個係茶記慣常嘅叫法。
或者我陰謀論去諗：會唔會係方便走位，靈活調配甚或更改食材呢？
萬一無全瘦肉，可以用半肥瘦，甚至肥豬肉代替，一樣都係豬肉噃，仲有，唔一定要切片，可以切厚啲，甚至切肉絲都得，一樣無違法，一樣無呃人噃，好嘢！👍
講返碗通粉，個湯一如之前食過嘅一樣，係偏鹹嘅蕃茄湯，有蕃茄粒，唔似老麥咁畀個實情係罐頭湯嘅所謂蕃茄濃湯。
通粉軟硬適中，亦無食到成口粉，質素唔錯，但同米通粉比較嘅話，我會揀米通粉，始終米通粉起香港比較少食到。
牛肉同豬肉嘅比例大概係1:2，都啱嘅，牛肉貴過豬肉嘛！下次叫個雞肉嚟試下，睇佢畀嘅係雞嘅邊部份肉先？千祈唔好係嚡口嘅雞胸肉就好啦！
奶茶慣例要啡糖，亦都慣例唔用支搞棍，用筷子搞，食力啲，勻循啲，下次叫姐姐收返支攪棍，唔使浪費。
今次杯奶茶濃咗啲，唔夠滑，多返些少奶會好啲，雖然濃啲對我一啲都無影響，唔會因為咁而瞓唔著覺。
整體嚟講，$37收貨啦！
Post
