扒王之王 (Closed)

因要陪女兒回學校攞書，又未夠時間的關係，搵間餐廳食個早餐，順便Hea到夠鐘。叫了腿蛋麵，凍咖啡少甜。女兒也是一樣叫了腿蛋麵，凍檸茶少甜。(基本上，腿蛋麵已經是好穩陣的早餐，好難整得難食的。)見到碗麵上檯....好心唔好幫我加d鑊撈去隻蛋度囉，安慰自己，算喇，少事而已，自己整走d黑色鑊撈便可了。用叉拿起麵上嚟，成個麵餅仲痴住 硬堀堀的，湯底又淡而無味。吃了兩啖麵，唉！算了!還是不要難為自己個胃好了。估計麵餅已事先滾好了，再攤涼了一段時間，有客叫果陣，才放番入熱水快速倒入碗，因攤出嚟時間太長，才有這硬堀堀的效果。這間食肆既早餐麵，對我來說，真的可一不可再。