Video
Read full review
2011-03-27
226 views
晨早忙到痴線，lunch 一定要出去食飯勁食減壓 ~ 最好係唔洗等位啦，好采只有七成滿，食客不是太多，我地張枱對正電視機唔洗咁悶，坐得舒服。白灼菜芯，好正 ﹗好好味呀 ﹗莖爽、葉嫰，整棵都充滿水份，而且完全無渣。我一都唔食莖部，因為大多又硬又多渣，一係太粗而烚得太生，但今次例外，一條不漏 KO。黑椒豬肚，似乎份量少左啲喎，得兩三舊豬肚，好爽滑，唔同一般烚豬肚嚥嚥靭靭。豆腐卜墊底，索汁一流，好好味，但有點油。蝦餃皇，簡單皮薄餡靚，蝦爽、足料，好大粒，連我個口都係緊緊可以成粒啪落去乍。即叫即蒸熱辣辣，已非常滿意。蟹籽燒賣，雖然無咩蟹籽味，但係豬肉味濃又香，咬落啖啖肉又多肉汁，肥豬肉不多，蝦爽味鮮，同樣即叫即蒸，熱到噴晒煙份外好味。豉椒蒸排骨，好肥呀 ﹗又無咩肉食。唔係太食到佢咩味道，因為一咬落口已經成口油喇。全港最好食既蒸排骨始終係大埔街市林記 ﹗點解依家間間酒樓都搵唔到梅子蒸排骨既，失傳左？都好好食架喎。四寶雞札，今日無魚肚既？無魚肚既四寶雞札，感覺怪怪的，不過總好過豬皮扮魚肚既。見有蟹柳、火腿、芋頭同雞件，雞件黎架喎，唔係雞柳，連骨咁奇怪，唔通佢諗住連骨蒸啲雞味會出啲？依個理論都啱既，
白灼菜芯，好正 ﹗好好味呀 ﹗莖爽、葉嫰，整棵都充滿水份，而且完全無渣。我一都唔食莖部，因為大多又硬又多渣，一係太粗而烚得太生，但今次例外，一條不漏 KO。
黑椒豬肚，似乎份量少左啲喎，得兩三舊豬肚，好爽滑，唔同一般烚豬肚嚥嚥靭靭。豆腐卜墊底，索汁一流，好好味，但有點油。
蝦餃皇，簡單皮薄餡靚，蝦爽、足料，好大粒，連我個口都係緊緊可以成粒啪落去乍。即叫即蒸熱辣辣，已非常滿意。
蟹籽燒賣，雖然無咩蟹籽味，但係豬肉味濃又香，咬落啖啖肉又多肉汁，肥豬肉不多，蝦爽味鮮，同樣即叫即蒸，熱到噴晒煙份外好味。
豉椒蒸排骨，好肥呀 ﹗又無咩肉食。唔係太食到佢咩味道，因為一咬落口已經成口油喇。全港最好食既蒸排骨始終係大埔街市林記 ﹗點解依家間間酒樓都搵唔到梅子蒸排骨既，失傳左？都好好食架喎。
四寶雞札，今日無魚肚既？無魚肚既四寶雞札，感覺怪怪的，不過總好過豬皮扮魚肚既。見有蟹柳、火腿、芋頭同雞件，雞件黎架喎，唔係雞柳，連骨咁奇怪，唔通佢諗住連骨蒸啲雞味會出啲？依個理論都啱既，但有骨係度咪一定要將雞札拆開先食到？其實雞札係要一啖咬齊四寶黎食，四種唔同味道又唔同口感既食材充滿層次感，拆散黎食就唔係札啦。正如食春卷、食腸粉咁，都唔會將餡同塊皮分晒出黎架麻。腐皮嚥靭嫰滑、雞件有啲鞋又骨多肉少、火腿爽口有咸香、蟹柳蒸到有啲乾而且貨式唔靚、我唔食芋頭架。無左塊軟棉棉既魚肚就好似無左靈魂一樣，總括黎講味道還可以，但有點失色囉。
小籠包，都唔係灌湯囉，係好乾囉，乾蒸小籠包？皮又厚又乾又硬，無下次，唔會再 order，太差。麵粉味完全蓋過豬肉味，口感硬實，依味唔多掂。
叉燒包，我一向飲茶都好少會食包，怕好快食飽就食唔得多點心，但今次隻叉燒包真係好食到不得了 ﹗即叫即蒸，包皮又香又軟墊，唔會硬屈屈或濕笠笠，個包熱到出煙又辣手，好正呀。啲餡既狀態仲係漿咁架，直頭係流沙叉包。味道又濃，香甜兼備，肥肉不多，肉味香濃，未食過咁好食既叉燒包，必試 ﹗食左幾隻仲要添食呀 ﹗
Post
