Video
Read full review
2016-06-19
2474 views
呢間任食火鍋又有熟食又有甜品又有刺身，食過兩次都真心覺得好食又扺食，點知隔咗一排無去(我估可能大約三個月啦)，今次食完真係請我都無興趣。其實我光顧果日係星期一，仲係6點幾無乜人，餐廳人數真係一隻手數晒，但都唔明點解會慢成咁。D火鍋料到齊好耐，但個湯底就一直No Show，咁個員工見到都好好咁主動幫手跟進，但最後都要追咗幾次，起碼超過15分鐘先有。(不只我們，就連其他枱都一樣在不停催促)咁都算嘞，諗住食住刺身同熟食先，刺身之前係包埋，依家要另加30蚊，變相加咗價，其實加都唔緊要，但果D刺身同樣催完又催，又係等咗超過20分鐘先肯上枱，其實只係切幾片肉啫，最緊要係個場已經無乜人，小貓3, 4隻之餘亦相信唔係張張枱會加刺身，咁既速度究竟想點！忍不住睇下師傅有幾忙啦，見佢東張西望，摸下東又摸下西，都無打算SERVE咗客先！我仲聽到隔離枱的客人投訴話如果再無野上枱就會Cancel刺身果Part，無理由加咗錢但無野食！可能要投訴先得，之後就見有野食嘞。至於熟食，上兩次的款式多D又好味，炆冬菇超正！真係齋食熟食都飽。可惜今次款式減少之餘，亦只係D豬紅魚旦碗仔翅，完全無興趣，但由於湯底同刺身都No Sh
其實我光顧果日係星期一，仲係6點幾無乜人，餐廳人數真係一隻手數晒，但都唔明點解會慢成咁。D火鍋料到齊好耐，但個湯底就一直No Show，咁個員工見到都好好咁主動幫手跟進，但最後都要追咗幾次，起碼超過15分鐘先有。(不只我們，就連其他枱都一樣在不停催促)
咁都算嘞，諗住食住刺身同熟食先，刺身之前係包埋，依家要另加30蚊，變相加咗價，其實加都唔緊要，但果D刺身同樣催完又催，又係等咗超過20分鐘先肯上枱，其實只係切幾片肉啫，最緊要係個場已經無乜人，小貓3, 4隻之餘亦相信唔係張張枱會加刺身，咁既速度究竟想點！忍不住睇下師傅有幾忙啦，見佢東張西望，摸下東又摸下西，都無打算SERVE咗客先！我仲聽到隔離枱的客人投訴話如果再無野上枱就會Cancel刺身果Part，無理由加咗錢但無野食！可能要投訴先得，之後就見有野食嘞。
至於熟食，上兩次的款式多D又好味，炆冬菇超正！真係齋食熟食都飽。可惜今次款式減少之餘，亦只係D豬紅魚旦碗仔翅，完全無興趣，但由於湯底同刺身都No Show，咁唯有食魚旦頂肚。
值得一讚係甜品方面真係幾好，好味又多款式，綠茶心太軟真係超水準之作，可惜太鬼崇，因為沒有放出來而亦沒有任何指示通知顧客有這甜品可以order，我地知道係因為見到有人食而問職員才知道可以到甜品BAR取牌輪候。不過我覺得就算幾好味都好，甜品都係其次，因為我地主要是食火鍋而唔係食甜品Buffet囉。
另外，有些蔬菜丸類係放了出來供顧客自己取的，不過又係好快無晒又要等好耐先見refill。
但要留意是有限時2.5小時，不要諗住可以慢慢食同慢慢傾，因為中間是要預留時間不斷追單同等候。
Other Info. :
BTW，地下好跣，唔知係我光顧果日還是平時都係，大家要小心D。
(The above review is the personal opinion of a user which does not represent OpenRice's point of view.)
Post