Video
Read full review
2006-12-31
4 views
偷得浮生半日閒，是日正好是澳門公眾假期，可以休休閒閒同阿K去食番個晏(應該係話brunch至啱)。我地今次嘅目的地係SOHO，去SOHO食晏其實唔係話好貴，一百蚊樓下都可以食到幾豐富嘅午餐。是日阿K冇乜胃口，又想食三文治，所以揀咗呢間有三文治供應嘅餐廳。呢度嘅裝修以書本為主，富有書卷氣嘅味道，內裡有數名外國人一路睇書一路歎咖啡，都幾寫意。阿K嗌咗一客芝士火煺牛角包，我就要咗一大件芝士煙肉panini，再加一杯蒸餾咖啡。好多時候阿K嘅選擇會比我優勝，不過今次就例外，我嘅panini嚟嘅時候熱辣辣，一入口裡面嘅芝士軟淋淋，麵包好香好鬆化，令我一食就上癮。當然，再加上火腿同埋煙肉嘅輔助之下，連阿K對我嘅panini都虎視眈眈，唔緊要啦，正所謂有福同享，我又點會忍心唔同阿K一齊分享面前嘅美食呢？還有一段小插曲，一眾顧客(包括我地在內)享用美食或悠閒地睇書時，有兩名操國語嘅中國人入內，佢地講嘢時夾雜發音非常地道嘅英語，我想應該係學成歸來嘅人才。可惜嘅係，縱然佢地有幾叻都好，就係有一個壞習慣–大聲說話，將原本寧靜嘅氣氛破壞晒。佢地嚟咗冇耐，部份顧客已經忍唔住結賬走人，我地都唔例外。兩份brunch
呢度嘅裝修以書本為主，富有書卷氣嘅味道，內裡有數名外國人一路睇書一路歎咖啡，都幾寫意。阿K嗌咗一客芝士火煺牛角包，我就要咗一大件芝士煙肉panini，再加一杯蒸餾咖啡。好多時候阿K嘅選擇會比我優勝，不過今次就例外，我嘅panini嚟嘅時候熱辣辣，一入口裡面嘅芝士軟淋淋，麵包好香好鬆化，令我一食就上癮。當然，再加上火腿同埋煙肉嘅輔助之下，連阿K對我嘅panini都虎視眈眈，唔緊要啦，正所謂有福同享，我又點會忍心唔同阿K一齊分享面前嘅美食呢？
還有一段小插曲，一眾顧客(包括我地在內)享用美食或悠閒地睇書時，有兩名操國語嘅中國人入內，佢地講嘢時夾雜發音非常地道嘅英語，我想應該係學成歸來嘅人才。可惜嘅係，縱然佢地有幾叻都好，就係有一個壞習慣–大聲說話，將原本寧靜嘅氣氛破壞晒。佢地嚟咗冇耐，部份顧客已經忍唔住結賬走人，我地都唔例外。
兩份brunch一共大約一百一十蚊，唔可以話好平，不過悠閒嘅氣氛已經值回票價，當然冇上述那一班人仲好啦。
Post