One Restaurant

Open Now

Now Closed

上個禮拜“清快塘”之行食咗深井燒鵝，與此同時亦發現了One Restaurant呢間餐廳，呢度有樣中法fusion菜推介。睇落去就知......為咗佢，今個禮拜來多次深井，都幾山長水遠㗎。佢就係“深井古法燒鵝法式清湯"，好特别嘅一個soup，將深井燒鵝和法國清湯結合埋。没有了燒鵝嘅油膩，但又有法湯的清甜，好盞鬼。一個碗裝咗燒鵝肉同皮，上枱時廚師將鵝骨和多種蔬菜製成的湯倒入碗內就飲得喇。"精選澳州羊扒拌薯蓉"份量頗多，D肉質好有水準，好嫩好滋味，除咗薯蓉伴碟，仲有紫色椰菜花，幼細豆角伴碟，非常精緻。"ONE MAMA 秘製炸雞件"88蚊有8大件咁多，爭啲食唔哂，但實在太好味，最尾都食埋佢。果然係秘製，熱辣辣食固然好味，就算之後少少放涼之後都依然keep住脆脆口感，真係唔錯吖。