鼎爺私房菜 (Moved) New Location

等左好耐，終於有機會試鼎爺私房菜。揀左$888個menu + 古法焗魚腸。第一道菜衣裏面既阿爺叉燒已經好有驚喜。叉燒有厚切同薄切，都係外脆內軟，不過厚切就juicy d, 薄切就有入口即融既感覺多d。醉鮑魚既酒味濃郁，入口一d都唔苦。椰皇燉雞湯，椰子味好香，好正。古法焗魚腸，上面既油炸鬼同下面既焗蛋好配，蛋內有陳皮，食落口完全唔腥，仲有脆脆地既感覺👍🏻。其實食到紫氣東來已經有10成飽，不過富貴雞同荷葉飯既香味，令我都忍唔住食左d. 富貴雞好juicy, 就算食雞胸都滑，荷葉飯夠乾身，正👍🏻