穴 (世貿中心) (Closed)

上次去過穴食魚生飯，無諗過朋友會對此念念不忘！所以今日去開銅鑼灣行街，朋友又話想食多次。不過今次我就揀左要特上串燒御膳 ($218)，而朋友就要雜錦魚生飯 ($158)一如以往，先送上沙律、前菜，雖然無咩特別，不過沙律菜新鮮爽脆，而且兩者都酸酸地，令到我地非常開胃！串燒一共有十串，有肉、蔬菜同海鮮，會分開兩碟上。大蔥蒜燒得比較亁身，變得比較韌。相反冬菇外邊亁身，入面就軟腍腍。而雞串、牛肉串就不過不失，但醃得非常入味！最正嘅莫過於係月見免治雞肉棒，肉棒入面混入左一啲雞軟骨碎，增加整體嘅口感再蘸了生蛋黃，味道會更加香而另一碟就有鹽燒雞翼、牛舌、粟米、蝦同多春魚。雞翼燒至皮脆，但一啲都唔油膩。牛舌爽口，但燒得燶左少少。粟米、蝦同多春魚就普普通通，無咩太大特別。之後朋友嘅雜錦魚生飯 ($158)亦都送到黎，賣相吸引。其中以吞拿魚腩、三文魚最為出色兩者肥美軟糯，實在令人回味而蟹籽同三文魚籽亦不腥，因而增加左整體嘅口感！反而海膽刺身就略為遜色，腥味比較重，唔夠入口即溶。呢個真係令到我地有少少失望其實餐廳嘅Lunch Set都幾多選擇，而且大部分用料亦都好新鮮，所以想食串燒、刺身都無問題，睇黎又多左