三點三冰室

Open Now

Now Closed

茶餐廳係香港嘅獨特飲食文化, 到咗三點三下午茶時間, 大家又可以休息吓食吓嘢。青衣城嘅三點三冰室卡位都幾多, 餐牌上可以找到懷舊嘅食物, 緬懷昔日嘅美食。懷舊鴛鴦飯呢度都有得食, 番茄雞絲飯和粟米忌廉蝦仁飯各一半, 酸甜和香滑嘅味道, 一次過滿足兩種口味。海南雞飯海南雞去咗骨, 食得好放心, 肉質好嫩滑, 可以點幾款醬料, 大大碗雞油飯, 幼滑咸香, 吃落又唔覺肥滯。XO醬叉燒炒腸粉叉燒肉質腍滑, XO醬不太濃味, 炒腸粉夠爽滑。芝心蝦多士蝦多士香脆不油膩, 芝士流心熱辣辣, 兩者味道上好配合, 點配沙律醬, 味道更加提升。生炸雞髀沙律 雞髀好大隻, 外皮炸得香脆, 肉厚有肉汁, 食落好香口, 配以雜果沙律, 香甜又醒胃。還有雪糕紅豆冰, 龍鳳檸樂和鹹檸七等懷舊嘅飲品, 味道依然吸引。