龍島 (形點 II)

Open Now

Now Closed

本人生日，朋友送龍島72%黑朱古力慕絲蛋糕蛋糕慶生好開心～龍島朱古力出名，做蛋糕都相當出色。尤其呢個慕絲蛋糕係整個朱古力蛋糕系列濃度最高的一個，完全付合我個人喜好蛋糕先用一層白色薄蛋糕做底，上面一層脆脆、一層朱古力海綿蛋糕，然後鋪一層好厚嘅朱古力慕絲，再用鏡面朱古力包住整個蛋糕。一般我都好喜歡用鏡面包裹住嘅蛋糕，因為呢個做法可以封住水份，令蛋糕放喺雪櫃時唔會被抽乾水份。 加上鏡面睇落勁水潤嘅光澤，齋睇都好吸引！味道方面，當然係超級濃朱古力味啦😂😂慕絲厚實，唔係幼滑空氣感，層次分明。唔會好甜，我個人喜歡朱古力，所以覺得濃度甜度都啱啱好。但對於偏喜好清新口感嘅人黎講就可能會覺得膩喇。畢竟人人口味唔一樣嘛。