龍麵館 (Closed)

傳說中環鬧市開左間龍面館，有龍肉食，今天正好過中環揾朋友，一于去睇下虛實。中式裝修無處不在，一入門就見到木人樁，好似武館咁，好搞笑。牆上有金龍，吸引外國客人影相。中西合璧的吧台。不過我個人覺得，呢d裝飾布置在餐廳有d多余，好似紅色的燈籠，好易鋪滿塵，正正懸掛在餐桌上方，又對正冷面口，感覺好不自在，尢其系呼吸道敏感的朋友，仲有機會坐在獅子頭下，風一吹過一陣塵。當日我地坐卡位，勁多蚊！而廁所又糸重災區，既然咁有心思去裝扮餐廳，點解唔將廁所衛生搞好呢？成間餐廳的衛生有待提高。不過食的方面，都算不錯。「龍肉湯面，配龍蝦湯」，龍蝦湯果然夠鮮甜，仲有大大隻龍蝦肉食，不過一碗面，份量不多。點左兩隻龍蝦蘿卜酥，最少兩隻起，賣相十分吸引。酥皮一碰就碎晒，好酥脆，餡都好香口。紫薯包，一籠三件，紫薯蓉飽滿，甜而不膩，幾好。半蝦半蟹餃，皮有金箔， 好華麗。皮薄餡多。比一般蝦餃好味。龍躉蒸飯，荷葉蒸，好清香，龍躉肉份量OK，幾好