Lobster Central (Closed)

朋友想食龍蝦包於是去咗銅鑼灣食Lobster central ，可以單買或者叫套餐。店內座位唔多，到中午時間 都幾多人架 我哋一行兩人，叫咗兩個套餐， 黎到呢度梗係食龍蝦包啦。如果唔鍾意食龍蝦包，都可以揀其他包，例如有crab roll , scallop roll等等。但我哋一心係食龍蝦包，所以兩個都要龍蝦包， 唔好爭套餐除咗個包，仲可以揀一款小食同汽水。揀左爆谷蝦，同mac and cheese龍蝦包好快就上台 ，有得食啦龍蝦包嘅龍蝦份量都幾多，啖啖龍蝦肉夠晒喉！個包烘得香脆，好好味！小食方面，爆谷蝦係我推介之一爆谷蝦細細隻，可以一啖一隻炸得啱啱好，唔會燶點埋沙律醬一齊食，重正！呢到既龍蝦包份量啱啱好，一個人食一個冇難度下次可以再嚟！