D. H. Crab (Closed)

尋日咁岩睇openrice 介紹龍蝦包，見到呢間價錢相對較便宜又未食過龍蝦包就黎試下，星期日既七點幾，夜晚黎到側魚充揾食，條條街都靜英英，找左一陣原來間既就正正起眼前，佢個招牌真係唔多起眼，入到去都係坐左一枱人。我就叫左一個龍蝦包同蟹包餐。等緊既時候都好期待，聞到陣陣牛油香黎到先飲左啖忌廉湯，湯不是平時飲開果種忌廉湯，唔識形容，有啲蟹肉碎同微小既辣味。開頭唔多岩口味，但飲飲下都又覺得ok,不過略嫌唔夠熱。飲完啖湯，先食蟹包，剛好同男朋友一人一半，一啖咬落去，蟹肉味道偏淡不夠鮮味，有啲失望，不過不得不讚佢個包真係烘到岩岩好超鬆軟，但唔知係咪我果舊啲料比較小，食到底剩番一大舊剩包，個醬汁係帶酸的沙律醬？，感覺醬汁有點單調，味道唔夠精彩，如果剩係個包配蒜蓉真係就perfect!之後試龍蝦包，蝦肉都幾多又彈口，味道比蟹鮮味，不過可能一人食一半既關係有啲唔夠喉試唔真既感覺，如果想去食既朋友，我建議真係一人獨吞一個較好。我個人認為未試過既朋友可以一試既