Video
Read full review
2017-06-17
1474 views
今日喺荃灣做完嘢，已經過咗食晏時間，餓到腳都軟埋！諗起朋友話荃灣有間京都風拉麵店由日本師傅精心炮製，味道好正宗。即刻充滿力量腳步自然加快向千色匯二樓出發。離遠見到日式布簾同實木招牌嘅就係「麵道」。可能食晏時間過咗，唔駛排隊就有位。佢嘅佈置喺用木枱同木櫈，好有日本嘅地道京都小店風，位同位之間好闊落，覺得好舒適自在。牆上面仲有個古典武士背影，令人諗起日本劍道，唔知同個店名有無關係呢？睇睇餐牌有三種拉麵湯底可以揀，醬油豚骨湯、伊勢海老豚骨湯同雞白湯。最特別係用龍蝦頭、蝦殻、蝦膏同蝦籽先烤咗，再加入豚骨熬製嘅出伊勢海老豚骨湯。聽落都覺得好味，所以就叫咗特盛叉燒溏心蛋龍蝦豚骨湯拉麵，點餐紙上仲可揀走蔥、走木耳，麵質有軟、適中、硬麵。枱面有一個細盒，有齊各種用具同調味料，隔離有餃子醬油，仲有前菜小青瓜粒任食，辣辣地又爽又脆，好醒胃。等咗幾分鐘拉麵就放喺眼前，聞到陣陣蝦湯香味，快快手飲啖湯先，蝦味又唔會搶走豚骨鮮味，入口又香又濃，湯底又唔會好杰。拉麵㨂咗直麵，佢比其他麵幼D，估唔到掛湯力咁高，一啖啖掛滿湯嘅直麵煙韌又彈牙。四大塊叉燒表面有少少燶燶地，但又有少少焦香，肥瘦雙隔嘅义燒又唔會好油膩，好鬼鬆
可能食晏時間過咗，唔駛排隊就有位。佢嘅佈置喺用木枱同木櫈，好有日本嘅地道京都小店風，位同位之間好闊落，覺得好舒適自在。牆上面仲有個古典武士背影，令人諗起日本劍道，唔知同個店名有無關係呢？
睇睇餐牌有三種拉麵湯底可以揀，醬油豚骨湯、伊勢海老豚骨湯同雞白湯。最特別係用龍蝦頭、蝦殻、蝦膏同蝦籽先烤咗，再加入豚骨熬製嘅出伊勢海老豚骨湯。聽落都覺得好味，所以就叫咗特盛叉燒溏心蛋龍蝦豚骨湯拉麵，點餐紙上仲可揀走蔥、走木耳，麵質有軟、適中、硬麵。
枱面有一個細盒，有齊各種用具同調味料，隔離有餃子醬油，仲有前菜小青瓜粒任食，辣辣地又爽又脆，好醒胃。
等咗幾分鐘拉麵就放喺眼前，聞到陣陣蝦湯香味，快快手飲啖湯先，蝦味又唔會搶走豚骨鮮味，入口又香又濃，湯底又唔會好杰。拉麵㨂咗直麵，佢比其他麵幼D，估唔到掛湯力咁高，一啖啖掛滿湯嘅直麵煙韌又彈牙。四大塊叉燒表面有少少燶燶地，但又有少少焦香，肥瘦雙隔嘅义燒又唔會好油膩，好鬼鬆軟。溏心蛋外面有醬油香，入面蛋黃軟滑，充滿蛋香，好味。窩心驚喜仲有兩隻餃子，連湯帶餃一啖入口，皮香肉滑，又唔會太大隻一啖一隻夠晒滿足，加埋木耳同蔥花，真喺滋味無窮。
依個時間最好再加D芝麻喺拉麵到，用好得意嘅迷你磨碗木棒去磨碎，增加香味，等佢容易溶喺湯到，將佢提升到另一境界。
小食點咗燒汁天婦羅無骨雞翼，無骨啖啖肉，炸得外面鬆脆，入面肉質又軟又嫩，加埋燒汁，更加惹味好食。
本來想要櫻花可樂，之前在其他食店飲過幾特別，點知啱啱賣曬，真喺激氣！希望下次再離可以飲到，仲要試埋少見用雞肉做嘅叉燒，雞叉燒雞白湯拉麵。
Post
