Video
Read full review
2012-05-17
277 views
2月28日, 是夜有幸被貴網邀請與一眾食家一起來個開年飯聚~ 地點設於帝苑酒店的東來順. 說起酒店餅房的蝴蝶酥、Greenery、Le Soleil和Sabatini通通都試過, 就係未食過呢間京菜館. 京菜又名官府菜, 再加上是夜飯局乃由Openrice專人與東來順得獎名廚陳國強師傅精心安排, 我地品嘗到嘅菜式自然特別矜貴~::: 六福臨門 :::先來六碟頭盤小吃, 包括花彫醉雞、麻香鮑片、茶葉燻蛋、陳醋蜇頭、金陵鹽水鴨及四喜烤麩. 花彫醉雞未食已聞到酒香~ 一食就更覺酒味醇厚而清香, 加上嫩滑雞肉, 妙也! 麻香鮑片伴以粉皮, 鮑片甜美質地煙韌, 啖落有麻油香兼帶少辣, 但我嫌醬汁略少而單調, 伴粉皮食有點乾. 茶葉燻蛋就是賣相已經十分吸引! 一匙一隻, 載滿溏心蛋黃的燻蛋~ 輕輕一嗅會聞到淡淡的茶葉燻香, 然後一吃, 蛋黃爆發出濃郁蛋味~ 好正~陳醋蜇頭質地爽滑如啫喱條~ 味道酸香少甜, 幾開胃~金陵鹽水鴨肉質偏實但應算軟嫩, 鹹香自然不過份, 不錯.四喜烤麩係京滬菜頭盤中嘅代表, 而呢到嘅烤麩可以話係做得比較正宗. 烤麩口感夠鬆軟, 索滿醬汁, 鹹甜適中~ 加上大大片厚切嘅冬菇
::: 六福臨門 :::
先來六碟頭盤小吃, 包括花彫醉雞、麻香鮑片、茶葉燻蛋、陳醋蜇頭、金陵鹽水鴨及四喜烤麩.
花彫醉雞未食已聞到酒香~ 一食就更覺酒味醇厚而清香, 加上嫩滑雞肉, 妙也!
麻香鮑片伴以粉皮, 鮑片甜美質地煙韌, 啖落有麻油香兼帶少辣, 但我嫌醬汁略少而單調, 伴粉皮食有點乾.
茶葉燻蛋就是賣相已經十分吸引! 一匙一隻, 載滿溏心蛋黃的燻蛋~ 輕輕一嗅會聞到淡淡的茶葉燻香, 然後一吃, 蛋黃爆發出濃郁蛋味~ 好正~
陳醋蜇頭質地爽滑如啫喱條~ 味道酸香少甜, 幾開胃~
金陵鹽水鴨肉質偏實但應算軟嫩, 鹹香自然不過份, 不錯.
四喜烤麩係京滬菜頭盤中嘅代表, 而呢到嘅烤麩可以話係做得比較正宗. 烤麩口感夠鬆軟, 索滿醬汁, 鹹甜適中~ 加上大大片厚切嘅冬菇同蠶豆, 係僅次茶葉燻蛋我最鐘意嘅小菜!
::: 菌皇龍蝦球 :::呢度菜式實在好有趣! 因為係由陳國強師傅親自出馬教授我地其中三位食友, 等我地了解晒成碟菜嘅材料同做法, 然後再即席品嘗! 龍蝦球新鮮爽甜, 炒兩三下已好, 肉質彈牙夾嫩, 混入濃香的黑松露醬後更是畫龍點睛~ 加上充分吸收龍蝦肉汁和黑松露香的爽口雜菌伴食, 只能講句, 呢個菜超好食!!
::: 醉人蟹后 :::令人充滿遐想嘅一個名~ 當中其實是以蟹入饌而成的三道菜, 分別為牛油果蟹肉沙律、酒釀蛋白蟹鉗和蟹粉銀絲卷.
雖然三道小吃同時奉碟, 但師傅亦提示我地應由右至左, 即先食沙律, 然後食蟹鉗, 再食蟹粉銀絲卷. 果然, 鮮拆的清甜蟹肉, 夾著牛油果和青蘋果粒同吃特別清新, 沙律一馬當先為我清潔口腔, 好等我再品嘗味道更清的酒釀蛋白蟹鉗.
酒釀蛋白蟹鉗看似單調, 但肥壯的蟹鉗肉內隱約滲出少許酒味, 清淡得宜又不會搶去蟹的鮮味. 底部的蛋白泡沫吸收了蟹肉鮮味, 不過入口後又如雲霧散開, 有趣~
吃過兩道較清的蟹肉小食, 最後的蟹粉銀絲卷味道算是來得最強烈. 可惜蟹粉只有質地較杰身, 味道卻不夠濃郁. 反而下面的銀絲卷外脆內軟有麵粉香, 我幾鍾意~
不得不提的還有那枚漂亮的玫瑰花, 其實係用番茄薄片卷成的~ 有心思也有技巧~ 而且這一來全碟主菜連伴碟都食得, 好環保囉哈哈!
::: 龍井煙燻鴨 :::呢味龍井煙燻鴨一副大鵬展翅的賣相夠晒霸氣~ 略略聞到少許獨特的煙燻味, 不過我當然唔會勁到聞得出佢係龍井味啦! 不過煙燻嚟講呢隻鴨又唔會好乾, 鴨皮薄而且吸咗唔少茶香~ 鴨肉臊嫩, 都幾好味.
::: 花膠鮑魚鹿筋湯 :::常說花膠係女士恩物, 但呢個花膠鮑魚鹿筋湯絕對不論男女都受補不少. 咪睇個湯好似泥水咁色以為佢好濁~ 其實入口不知幾清, 飲後仲有十分漿口嘅感覺! 就是感覺到全口都是滿滿的骨膠元! 加上與湯同時奉上, 真材實料嘅湯料~ 厚身淋滑嘅花膠、仍然保持彈牙鮮味嘅鮑魚… 真係不得了~ 好補!
::: 砂窩瑤柱菜飯配龍井茶 :::甚具特式的每人一窩砂窩瑤柱菜飯, 是陳國強師傅的原創菜式. 為了忠於原創和讓我們食到菜式原味, 陳國強師傅破例在東來順這家因有回教背景而不能烹調豬肉的餐廳供應了這個加入了鹹肉的菜飯, 而且更是特別在餐廳以外的廚房先烹調好豬肉才弄過來奉客, 這份心思實在令人欣賞! 不過說回菜飯本身, 雖然已添加了鹹肉、火腿、冬菇等食材, 但其實整體味道也略為清淡了些許. 勝在菜絲和其他材料也切得細碎, 飯粒也粒粒分明, 口感比味道更勝一籌. 唯有說這菜飯是為了清清之前吃盡濃味食物的口腔, 準備好味蕾來品嘗甜品吧!
飯後呷一口龍井茶, 茶味清香不澀而且解膩, 也不錯.
::: 東來順甜點 :::玫瑰糕好似我平時唔太鐘意食的果凍, 不過試一口又覺得不錯~ 佢無好似果凍咁膠狀嘅質地, 口感清爽味道甜中帶少少酸, 除了玫瑰味仲有少少荔枝甜香. 吃罷亦唔會覺得太膩~
流沙金球呢類甜甜脆脆又有軟心嘅甜品最合我心意! 炸得甘香脆身的煎堆仔內藏流沙餡, 兩者帶來雙重滋味之餘味道又唔會過甜~ 很好吃! 真係想食多粒~
驢打滾乃京菜中的招牌甜點, 面頭沾滿黃豆粉的軟綿煙韌皮卷內包著的是薄薄一層軟滑豆沙. 咬一口已經感到那煙韌軟糯的質地, 幸而呢舊粉團甜味亦較得恰當自然, 有特式又好吃.
::: 時令鮮果宴 :::其實已經好飽~ 不過酷愛生果的我見到西瓜同哈蜜瓜都依然難以自拔地食食食! 生果們也算香甜新鮮.
是夜真的飲飽食醉. 不得不提整晚都飲咗唔少貴網細心安排的紅、白酒~ 平時不好杯中物的我對酒甚少研究, 不過今晚嘅酒尤其是白酒超順喉好易入口, 令人不知不覺便會一杯接一杯. 真的多謝Openrice今次的飯局邀請, 除了可以品嘗美食和結識一些新食友外, 更是對我們過去一年用心寫食評的肯定~ 希望日後也有多些機會一齊食食食吧~ Post
