313
31
8
Level2
9
0
𝙃𝙞𝙙𝙙𝙚𝙣 𝙜𝙚𝙢 💛
2023-03-09 573 views
吉列牛早係幾年前已經熱潮興起，不過當時餐廳選擇並唔多，印象中都無話特別好食。今次朋友話要帶我地食好西，上網望到都覺得十分吸引 ¯֊¯ 呢間佐敦分店當日夜晚唔使排隊都可以直入店內，不過其實都幾乎滿座！環境昏暗，有股居酒屋格調，舉手落單好快就有嘢食送到黎啦 ( ˃ ᵕ ˂ )➤ 板燒吉列牛 ($118)第一次食所以叫啲original款試下，意外地提升咗我對吉列牛嘅觀感！薄薄一層吉列唔會搶走牛肉風頭，炸得鬆脆唔會太乾硬，但仍難免有少許油膩感。牛排片雖然切得薄咗少少，不過油花分布平均，燒後口感軟嫩、入口即化，攤凍咗都唔會變韌。可惜牛味不算濃郁，但碟旁醬汁可以提升層次，而且減輕油膩感，相當不錯。店舖用珍珠米，飯香不重，軟硬度適中。 不過比起吉列牛，個人認為友人食嘅板燒安格斯牛小排更加出色。雖然望落無咁多脂肪，但同樣入口即溶、肉質嫩滑。牛味較濃，黑胡椒味令牛肉更能帶出香氣。 一直覺得石板燒都係注重儀式感多於實際，不過都係一個開心體驗。店員見到燃料差唔多用晒都會主動換，值得加分。擺盤都非常靚，見到忍唔住讚嘆⋯ 加埋燈光絕對一流，真係睇得又食得 ( •̤ᴗ•̤ ) 美中不足係通風較差，油煙味好犀
Read full review
吉列牛早係幾年前已經熱潮興起，不過當時餐廳選擇並唔多，印象中都無話特別好食。今次朋友話要帶我地食好西，上網望到都覺得十分吸引 ¯֊¯ 呢間佐敦分店當日夜晚唔使排隊都可以直入店內，不過其實都幾乎滿座！環境昏暗，有股居酒屋格調，舉手落單好快就有嘢食送到黎啦 ( ˃ ᵕ ˂ )

43 views
0 likes
0 comments
 ➤ 板燒吉列牛 ($118)
第一次食所以叫啲original款試下，意外地提升咗我對吉列牛嘅觀感！薄薄一層吉列唔會搶走牛肉風頭，炸得鬆脆唔會太乾硬，但仍難免有少許油膩感。牛排片雖然切得薄咗少少，不過油花分布平均，燒後口感軟嫩、入口即化，攤凍咗都唔會變韌。可惜牛味不算濃郁，但碟旁醬汁可以提升層次，而且減輕油膩感，相當不錯。店舖用珍珠米，飯香不重，軟硬度適中。

不過比起吉列牛，個人認為友人食嘅板燒安格斯牛小排更加出色。雖然望落無咁多脂肪，但同樣入口即溶、肉質嫩滑。牛味較濃，黑胡椒味令牛肉更能帶出香氣。

一直覺得石板燒都係注重儀式感多於實際，不過都係一個開心體驗。店員見到燃料差唔多用晒都會主動換，值得加分。擺盤都非常靚，見到忍唔住讚嘆⋯ 加埋燈光絕對一流，真係睇得又食得 ( •̤ᴗ•̤ ) 美中不足係通風較差，油煙味好犀利同埋有啲煙霧離漫，如果抽風系統好啲就perfect啦！另外，記住店舖只收現金啊 .ᐟ.ᐟ.ᐟ.ᐟ

推薦指數：🌕🌕🌕🌕🌑 7.3/10
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Dining Method
Dine In
Recommended Dishes
  • 板燒安格斯牛
  • 板燒吉列牛