Video
Read full review
2024-04-25
54 views
#20240422 📝📍 Puradak Chicken @puradakhk_official 尖沙咀金巴利街7號地舖 🍽️將軍澳唐德街9號將軍澳中心1樓167-169號舖大角咀海泓道1號奧海城3期UG樓UG68, UG71-73號舖➖➖➖➖➖➖➖➖➖➖➖➖➖➖➖➖➖#炸紫菜粉絲卷 $48💭 呢間係香港已經有三間分店既韓國過江龍，裝修格調比較高級，但其實野食價錢同平時果啲差唔多，平民價錢有高級既享受🇰🇷平時好少見有呢個小食，用紫菜包住粉絲炸，入面啲粉絲仲好juicy柔熟但外面就脆卜卜，一碟6粒香口野好快食晒～.#墨魚圈 $68💭 外面同平時食開啲魷魚圈一樣，如果諗住佢都係爽口彈牙就真係少年太天真喇😂佢咬落去係好似早餐啲炸魚柳咁既口感，下意識硬係覺得差咁兜沙律醬🙈搵緊醬點之際意外發現點個豆腐湯原來都幾好味🐟.#韓式炒粉絲 $88💭 大大兜粉絲有滿滿既麻油香，入面有洋蔥🧅三色燈籠椒🫑菠菜呢啲常見既配料就梗架啦，估唔到竟然有雲耳，欣賞呢種fusion左啲本地特色既心意，值得加分💯.#蔬菜石頭拌飯 $128💭 特登叫左個無肉既石頭飯，成日都覺得個石頭咁熱㷫到啲肉韌晒，淨菜就無呢個煩惱🪨最值得讚
📍 Puradak Chicken @puradakhk_official
尖沙咀金巴利街7號地舖 🍽️
將軍澳唐德街9號將軍澳中心1樓167-169號舖
大角咀海泓道1號奧海城3期UG樓UG68, UG71-73號舖
➖➖➖➖➖➖➖➖➖➖➖➖➖➖➖➖➖
#炸紫菜粉絲卷 $48
💭 呢間係香港已經有三間分店既韓國過江龍，裝修格調比較高級，但其實野食價錢同平時果啲差唔多，平民價錢有高級既享受🇰🇷平時好少見有呢個小食，用紫菜包住粉絲炸，入面啲粉絲仲好juicy柔熟但外面就脆卜卜，一碟6粒香口野好快食晒～
.
#墨魚圈 $68
💭 外面同平時食開啲魷魚圈一樣，如果諗住佢都係爽口彈牙就真係少年太天真喇😂佢咬落去係好似早餐啲炸魚柳咁既口感，下意識硬係覺得差咁兜沙律醬🙈搵緊醬點之際意外發現點個豆腐湯原來都幾好味🐟
.
#韓式炒粉絲 $88
💭 大大兜粉絲有滿滿既麻油香，入面有洋蔥🧅三色燈籠椒🫑菠菜呢啲常見既配料就梗架啦，估唔到竟然有雲耳，欣賞呢種fusion左啲本地特色既心意，值得加分💯
.
#蔬菜石頭拌飯 $128
💭 特登叫左個無肉既石頭飯，成日都覺得個石頭咁熱㷫到啲肉韌晒，淨菜就無呢個煩惱🪨最值得讚佢面頭唔係落生蛋，而係一隻煎過既荷包蛋，岩晒啲怕食生蛋既朋友🍳蔬菜爽脆，飯焦香口～
.
#嫩豆腐湯 $138
💭 呢碗湯絕對係幾個人既份量，一定要share食先搞得掂，入面有好多什錦海鮮粒🦑仲有啲翠肉瓜，用韓式韓醬煮個湯咸咸地，其實好適合加十蚊要碗白飯，咁就真係飽到咩都唔使食🍚
.
#尖沙咀美食 #🐷在尖沙咀 #將軍澳美食 #🐷在將軍澳 #大角咀美食 #🐷在大角咀 #🐷_食
Post
