常滿雞煲火鍋專門店 (Closed)

平時食開個幾間雞煲食到厭曬，琴晚完左堂課黎到此處食雞煲，同朋友,干雞煲。呢度full得好緊要，我地同個’靚仔’講坐出面就ok.自然風吹得好舒服,不過個雞煲送到黎個陣已經係4個字後既事，我朋友差唔多等得唔耐煩了。叫既配料叫左成圍台咁多，肥牛，響鈴，雙拼既西洋菜同粟米餃，仲有稻亭烏冬。我發現每間店雞煲真係各有各出色，之前唔知有干雞煲個時就覺得濕煲好好味，辣得過隱今次試完呢個次後應該短時間內都唔會食番濕雞煲。而且雞汁雖然辣到好鬼刺激個喉嚨，不過都係略有d甜味係度。1塊牛肉好大，完全唔需要任何醬料已經集辣，牛味於1身辛辣得開胃，爽嫩又入味！good西洋菜同粟米餃2隻比較我鍾意西洋菜餃多d，因為菜隻味道同d汁，隻辣都比粟米夾，好香好惹味。反而粟米有d甜甜地咁唔係咁match。成餐食落係好味既，不過係等候個主角雞煲真係耐左d d，改善改善。