Video
Read full review
2024-12-03
456 views
1++韓牛加醬油蟹，應該係最強組合啦啩？喺尖沙咀嘅韓國菜餐廳GALBI TOWN 갈비타운，Menu唔算超級多選擇，但樣樣精緻，高級又好食。呢度嘅燒肉尤其精緻，料靚之餘有專人幫手燒，而其他韓國食品亦相當有質素。最重要係呢度坐得相當鬆動，環境又唔錯。燒1++韓牛肉眼 $3401++，就係皇牌，韓牛中嘅極品，加上係肉眼，基本上一定高質素，加上有專人幫手燒，佢會燒到啱啱好(大約係medium)，再切成一件件，冇嘢好擔心。想要多啲調味嘅話，佢另外有提供鹽糖韓式醬料。醬油蟹 $270二百零蚊隻醬油蟹其實相當合理，加上本身有個紫菜飯跟埋，食完都幾飽。醬油蟹最重要就係醬油，呢度做嘅醬油味道非常充足，鹹香味相當夠，同新鮮嘅生蟹好夾。豬肋肉 $198呢度嘅真正秘密武器。百幾蚊嘅豬肋肉同樣有專人幫手燒，但本身醃好咗嘅豬腩肉味道相當惹味，又唔會太膩，個人覺得係最抵食嘅菜式。大醬湯 $118本身唔起眼嘅大醬湯係韓國家庭中常見嘅菜式，實際上佢嘅味道好豐富，湯嘅味道好足夠，但都唔及佢嘅配料，多到誇張。當中嘅洋蔥、菜、三色椒、豆腐、牛肉豬肉、雞髀菇等等嘅料都非常多，基本上食到最後係得返固體😂。GALBI TOWN嘅
喺尖沙咀嘅韓國菜餐廳GALBI TOWN 갈비타운，Menu唔算超級多選擇，但樣樣精緻，高級又好食。呢度嘅燒肉尤其精緻，料靚之餘有專人幫手燒，而其他韓國食品亦相當有質素。最重要係呢度坐得相當鬆動，環境又唔錯。
燒1++韓牛肉眼 $340
1++，就係皇牌，韓牛中嘅極品，加上係肉眼，基本上一定高質素，加上有專人幫手燒，佢會燒到啱啱好(大約係medium)，再切成一件件，冇嘢好擔心。想要多啲調味嘅話，佢另外有提供鹽糖韓式醬料。
醬油蟹 $270
二百零蚊隻醬油蟹其實相當合理，加上本身有個紫菜飯跟埋，食完都幾飽。醬油蟹最重要就係醬油，呢度做嘅醬油味道非常充足，鹹香味相當夠，同新鮮嘅生蟹好夾。
豬肋肉 $198
呢度嘅真正秘密武器。百幾蚊嘅豬肋肉同樣有專人幫手燒，但本身醃好咗嘅豬腩肉味道相當惹味，又唔會太膩，個人覺得係最抵食嘅菜式。
大醬湯 $118
本身唔起眼嘅大醬湯係韓國家庭中常見嘅菜式，實際上佢嘅味道好豐富，湯嘅味道好足夠，但都唔及佢嘅配料，多到誇張。當中嘅洋蔥、菜、三色椒、豆腐、牛肉豬肉、雞髀菇等等嘅料都非常多，基本上食到最後係得返固體😂。
GALBI TOWN嘅地點方便，環境闊落，嘢食高級又有專人服侍，係一班人幾唔錯嘅聚會地方，難怪呢度嘅服務員做到冇停手，周圍都係飲飽食醉嘅客人。
Post
