權八居酒屋 (Moved) New Location

適逢家人生日，當然要揾間好好睇睇既餐廳孝敬母親大人。家母最喜歡食日本菜，所以我就周圍去研究下有咩精緻既日本菜去食下。見到呢個餐廳既reviews 都幾好，食物同環境都尚有質素，所以就立即訂位。一入到去，好似去左日本居酒屋。串燒部、刺身壽司部都係開放式廚房。呢個豆腐不得了。果然係即磨既手工豆腐。豆味十分濃厚，入口軟綿細滑，令入愛不釋手。然後叫左油甘魚、呑拿魚、帶子同牡丹蝦刺身。每款刺身都好新鮮、厚身。我特別喜歡油甘魚，魚油飽滿。雞泡魚乾好少餐廳會整到咁高水準。乾身得黎仲會好有咬勁，魚味冇窮。配上mayonnaise 另加添一份美味。串燒方面叫左三種，分別有甘果、牛舌同雞翼。甘果燒得甘甜可口，帶點苦澀味。牛舌本身用料好，所以都冇野可以挑剔。雞翼外脆內軟，係可以黎到幾round 。天婦羅亦做得好出色。炸皮好薄，完全冇話好油既感覺。最特別係海膽天婦羅，用紫蘇葉包住，用紫蘇葉既苦澀味襯托住海膽既鮮甜，係人生一大享受！整體而言，食物質素算係上等，環境非常舒適，服務態度亦很好，是一次很好的日本料理體驗。