Video
Read full review
2023-09-22
3183 views
如果你又鍾意食燒肉🐮，又鍾意玩，呢間和牛燒肉一郎就絕對啱晒你啦。佢有新幹線送燒肉🚅，玩味十足。 門口位置有牛牛扇同埋顏色冊可以隨客人自取，啱晒有小朋友嘅客人。 呢度分咗6個唔同價錢嘅套餐，之前試過個D course，今次試吓個C course，每位$368，100分鐘任食，每檯有1客日本產黑毛和牛2款+澳洲M9 薄炙盛合，另外有精選海鮮、豚、牛、雞。不過如果論性價比，個人認為D course 會抵食好多，雖然價錢貴啲，不過款式同牛嘅質素真係高好多，而且時間又長啲。 職員先送上和牛里脊肉、和牛牛肋肉同澳洲M9 薄炙，和牛脂肪比例都幾均勻，油香十足，肉質幾嫩滑。 客人仲可以掃一掃和牛識別碼搜尋到牛隻詳細資料，例如：產地、年份，保證客人食到真正嘅和牛。 除咗職員送上嘅和牛之外，客人亦可以透過QR Code 自助落單。款式有牛刺身、名物、特選牛、豚肉🐖、野菜、雞肉、一郎料理、涼拌小食、海鮮、飯湯麵🍜。 自助吧有爆谷🍿、棉花糖，棉花糖上面仲有牛牛公仔，十分之可愛。 沙律吧有多款唔同嘅沙律🥗，顏色翠綠，蔬菜新鮮鮮甜，而且全部都用蓋遮住，確保乾淨衞生。 飲品方面都有好多唔同嘅罐裝飲品，又有咖啡機☕️，
如果你又鍾意食燒肉🐮，又鍾意玩，呢間和牛燒肉一郎就絕對啱晒你啦。佢有新幹線送燒肉🚅，玩味十足。
門口位置有牛牛扇同埋顏色冊可以隨客人自取，啱晒有小朋友嘅客人。
呢度分咗6個唔同價錢嘅套餐，之前試過個D course，今次試吓個C course，每位$368，100分鐘任食，每檯有1客日本產黑毛和牛2款+澳洲M9 薄炙盛合，另外有精選海鮮、豚、牛、雞。不過如果論性價比，個人認為D course 會抵食好多，雖然價錢貴啲，不過款式同牛嘅質素真係高好多，而且時間又長啲。
職員先送上和牛里脊肉、和牛牛肋肉同澳洲M9 薄炙，和牛脂肪比例都幾均勻，油香十足，肉質幾嫩滑。
客人仲可以掃一掃和牛識別碼搜尋到牛隻詳細資料，例如：產地、年份，保證客人食到真正嘅和牛。
除咗職員送上嘅和牛之外，客人亦可以透過QR Code 自助落單。款式有牛刺身、名物、特選牛、豚肉🐖、野菜、雞肉、一郎料理、涼拌小食、海鮮、飯湯麵🍜。
自助吧有爆谷🍿、棉花糖，棉花糖上面仲有牛牛公仔，十分之可愛。
沙律吧有多款唔同嘅沙律🥗，顏色翠綠，蔬菜新鮮鮮甜，而且全部都用蓋遮住，確保乾淨衞生。
飲品方面都有好多唔同嘅罐裝飲品，又有咖啡機☕️，同埋多款茶包可以沖茶嚟飲🍵。
甜品方面有多款唔同日本雪條，例如：日本明治栗子紅豆、明治海鹽荔枝、日本明治角十棒四方梳打味、白桃烏龍、藍莓乳酪味、煉乳紅豆雪條、栗子紅豆，除咗雪條之外，仲有杯裝雪糕， 沖繩海鹽味、朱古力、豆腐味、綠茶味， 款式非常之多。
除咗啲日式雪條之外，仲有啲自家製嘅小甜品，意式Tiramisu、木糠布甸、芝士布甸、迷你杯子蛋糕🧁。每款都會寫明製造期限同賞味期限，客人可以放心食用。
呢度仲有部好大型嘅棉花糖機，非常吸引，原來有幾十款唔同嘅造型同味道可以揀，真係令人花多眼亂😍 啱晒打卡！
Post
