火鍋煮場 (Closed)

$100 100支啤酒係咩玩法？真係未試過打邊爐飲啤酒唔洗就住就住咁叫都米話唔爽呢﹗我地好努力之下都係飲咗12支，仲有88支可以兩個月內用埋佢，即刻Mark時間再黎啦，計返條數，$1一支，仲要係德國啤，9款任揀，上面呢幾隻都幾好飲，真係抵到無朋友。一開始開咗個啤酒Plan之後先叫個炸雞軟骨食吓餸吓酒先。跟全叫咗個龍蝦刺身，然後再椒鹽兩食。隻龍蝦都算大隻，兼且幾新鮮。本來想食美國桶蠔，不過呢度無，所以改食廣島蠔，一份有6隻，雖然細隻過D美國桶蠔，不過味道都唔錯。碟牛望落去就瘦咗少少，不過食落又唔錯woo，新鮮度高，其實少D脂肪仲好啦。即炸紫菜響鈴，可以淥或者就咁食，我就覺得淥一淥先食正D。呢度D餃類都唔錯，叫咗個三式餃拼盤，有雲吞水餃加韭菜餃，三款都好食，三款都似係自己整嘅。另外仲叫咗勝子，一人一隻，好鮮味好好食。炸魚片頭同埋鯪魚滑就後加嘅，都唔錯。