cafe TOO

訂咗 11/14-11/15 嘅 Staycation 包左 Cafe Too 11/14 Dinner buffet 及 11/15 breakfast buffet首先講下個自助晚餐，差不多滿座，好熱閙，海鮮試左龍蝦、凍蝦、麵包蟹，一般般啦，點心有蝦餃，個皮同夏宮一樣好厚，燒牛肉好嫩滑多汁，羊架肉汁豐富，燒味义燒比較乾，油雞就吾錯，即燒和牛粒，入口一咬即開，好食，即灼粉麵叫左喇沙湯底，個湯比較淡，甜品款式好多，令人心花怒放，椰子撻有淡淡椰子香，麵包布甸，杯仔裝住但好乾，熱情香酥餅但酥底好鬆化，最後食咗3球HD 雪糕，大滿足！跟住就係11/15 嘅自助早餐，8點鬆啲到，十枱客都冇，好清靜，點心馬拉糕鬆鬆軟軟，珍珠雞個餡好豐富，义燒包就好一般，班戟、窩夫奇怪地好硬，牛角包同玉桂酥卷就吾太鬆化，即灼了碗波菜粗面豬骨湯底，個湯底反而幾濃吓，即炸油條比較硬身，甜酸炸雲吞，熱呼呼的好脆口，espresso double 濃烈非常。食左兩餐，水準中上。題外話，整體餐廳員工、廚師都勤快有禮，即灼粉麵檔及雪糕檔除外。