澳門街雞煲火鍋 (Closed)

今晚去了荃灣食雞煲，$138雞煲加任食火鍋，而且啤酒汽水任飲，平絕全港。雞煲有至少半隻雞的份量，兩個人食份量十足，而且雞件啖啖肉，唔係比埋d頭頭尾尾，雞肉醃得入味且嫩滑，小辣辣度輕微，不過香料味濃郁。食完雞煲可以加湯食火鍋，火鍋全部都以自助形式，出面有個大雪櫃放了多款配料。海鮮方面有蜆、蝦及魚，魚件比較新鮮。肉類方面有肥牛、鵝腸、芝士腸等，百幾元任食質素可以接受。當然唔少得各款丸啦！任飲啤酒絕對是賣點，另外推介牛蒡茶，無糖解渴。