牛舞日本燒肉‧涮涮鍋放題 (利舞臺廣場)

Open Now

Now Closed

依間放題係結合咗燒肉同刷刷鍋兩種體驗，而且主打任食薩摩和牛放題，食品種類有達141款。薩摩和牛拼盤揀咗套餐A之後，會先嚟一個薩摩和牛拼盤，可以先試一試各種唔同嘅部位。薩摩牛係嚟自本鹿兒島嘅頂級和牛，肉質鮮紅、脂肪分佈均勻油花豐富，牛肉香氣濃郁，入口即溶。10多款海鮮當中最突出嘅一定係甲羅燒，蟹殼裡裝滿蟹膏，一路燒香氣湧現。另外白鱔、磯煮鮑魚、虎蝦都值得一試。串燒方面除咗大路嘅雞軟骨、豚肉、羊肉之外，一啲比較特別嘅部位都有得任食，例如雞尾、雞頸肉、雞橫膈膜等。熟食喺等待食物煮熟之間有多款前菜、炸物、飯麵供選擇，新鮮熱辣嘅脆皮乳鴿係最驚喜嘅，食落皮脆肉嫩，香嫩多汁。另外自助吧有各款火鍋材料，例如蔬菜丸類等，仲有精緻嘅甜品同雪糕雪條同各式飲品。