Homeland (彌敦道)

Open Now

Now Closed

因為同老公慶祝週年紀念日，所以揀咗好多間餐廳，要有少少氣氛，又想有啲特別，所以都揀咗好耐，最後發現Homeland旺角店嘅環境唔錯，加上有寫碟服務，都幾有驚喜，我同老公都唔係好鍾意出去食飯嘅人，又唔係年輕，所以有呢個服務同環境唔錯，已經好滿意，佢哋嘅服務員，個個都好有禮貌又細心，我哋初時入去，對住個風口位，老人家真係唔凍得，加上我哋有個得兩歲嘅小朋友，驚呢餐飯食唔到90分鐘就要走人，所以問店員可以換位？二話不說就換第二張枱比我哋，可能我哋早到，未夠7點所以唔係好full嘅情況下安排到比我哋，呢點都好好，因為佢哋真係好有禮貌，食物都係其次，如果服務唔好，幾好味嘅食材，我哋都唔會有第二次，所以真係好值得去試下，食物方面，唔可以話好食到無得彈，但一定唔難食，我哋叫咗pizza套餐，再加個芝士焗西蘭花，應該要有嘅水準，對於我哋食慣清淡嘅老人家，尚可接受，味道不錯。