Video
Read full review
2018-08-12
1962 views
媽媽生日，今次家姐發板搵左我地好少食既泰國菜。半個月前已經訂定位，最正上到去話我地無訂到？？？好彩6:30黎到仲有大把位，不過就限時90分鐘。✨一行8人，張長枱都幾大幾闊落，坐得舒服，野食都黎得好快。✨泰式沙嗲雞串（$28) : 個雞燒得幾嫩，保留肉汁而唔會乾爭爭，點埋沙嗲醬好惹味，不過我好懷念泰國果時食到勁重花生味既沙嗲醬，香港仲未搵得番。伴碟有我最like 既酸蘿白，青瓜粒，不過呢個我覺得酸得濟。✨鮮蝦炒金邊粉（$128): 每次食泰國野必叫，因為全家都唔係好食辣野，又要飽肚都會叫d 麵飯。👍🏻加分位係佢加左炸蒜片同炸到脆卜卜既蝦乾，幾香口幾特別。金邊粉有咬口得黎唔會過韌，蝦肉爽彈，又好難唔好食。✨炸蝦餅（$88): 蝦餅好食啊，金黃鬆脆～不過我覺得可以再彈牙d~~呢個唔係點酸辣醬，而係點梅子醬，不過個人鍾意酸辣醬多d✨菠蘿海鮮炒飯（$136): 望落超多海鮮勁吸引～有大粒青口，蝦，帶子同魷魚圈，我剩係食左帶子都幾鮮味。 炒飯入面有提子乾，菠蘿，臘腸，加埋腰果肉鬆，味道好豐富。✨軟殼蟹椰香青咖哩（$148): 因為叫左酥餅，所以叫左個青咖哩點下。本身唔食得辣，所以都覺得幾辣，軟
✨一行8人，張長枱都幾大幾闊落，坐得舒服，野食都黎得好快。
✨泰式沙嗲雞串（$28) : 個雞燒得幾嫩，保留肉汁而唔會乾爭爭，點埋沙嗲醬好惹味，不過我好懷念泰國果時食到勁重花生味既沙嗲醬，香港仲未搵得番。伴碟有我最like 既酸蘿白，青瓜粒，不過呢個我覺得酸得濟。
✨鮮蝦炒金邊粉（$128): 每次食泰國野必叫，因為全家都唔係好食辣野，又要飽肚都會叫d 麵飯。
👍🏻加分位係佢加左炸蒜片同炸到脆卜卜既蝦乾，幾香口幾特別。金邊粉有咬口得黎唔會過韌，蝦肉爽彈，又好難唔好食。
鮮蝦炒金邊粉
46 views
0 likes
0 comments
✨炸蝦餅（$88): 蝦餅好食啊，金黃鬆脆～不過我覺得可以再彈牙d~~呢個唔係點酸辣醬，而係點梅子醬，不過個人鍾意酸辣醬多d
✨菠蘿海鮮炒飯（$136): 望落超多海鮮勁吸引～有大粒青口，蝦，帶子同魷魚圈，我剩係食左帶子都幾鮮味。 炒飯入面有提子乾，菠蘿，臘腸，加埋腰果肉鬆，味道好豐富。
菠蘿海鮮炒飯
28 views
0 likes
0 comments
✨軟殼蟹椰香青咖哩（$148): 因為叫左酥餅，所以叫左個青咖哩點下。本身唔食得辣，所以都覺得幾辣，軟殼蟹幾好食，但係辣到唔係好食到椰香味，個汁用黎撈飯應該會幾正。
✨青檸梳打（$45): 辣到要即係叫杯野飲，本身想要咸檸七，衝口而出講左青檸梳打😑。呢杯野真係勁酸x_x 成45蚊，早知㨂其他野飲。
✨酥皮（$28): 估唔到一塊都幾大幾抵食，食落好鬆化唔油膩，拎黎點青咖哩正喎。
酥皮
$28
22 views
0 likes
0 comments
✨泰東北特色豬軟骨（$118): 呢個類似生菜包既菜式， 豬軟骨比較乾身，一粒粒食落口感有d 似雞軟骨， 連埋花生，青檸粒，薑粒，紅蔥粒，辣椒一齊食。 開頭唔知青色果條係辣椒，一咬條利辣到痺左😑本身又唔食薑粒，所以剩係包左其他， 一食粒青檸就好酸，所以唔係好啱我口味，
不過屋企人話所有野包晒落去係好食的。
✨每人圍起太約百五蚊多d, 野食大部份都幾好食。我地帶左蛋糕去， 切餅費要$100都幾甘😖~ 最搞笑個餅唔知雪左去邊，勁耐先拎到出黎，好彩90分鐘時間真係啱啱好。
Post
