Le 188° 餐廳及酒廊

Open Now

Now Closed

今日係酒店Eshop ,見有7折，訂咗個tasting menu 試吓，覺得真係扺食，7:00pm己到達188餐廳，上到41樓，風景真係好靚，嘩一聲，接住，職員帶我們入座，望下個menu先😋,頭盤有個整得好靚嘅沙律撻食，之後第二來個西班牙紅蝦他他，又係整到好靚真係超班水準，接住到湯，白露筍忌廉湯，真係好鮮甜，好cream,好好味呀，之後有個清新青檸雪巴，感覺好清新，接着有個龍蝦配魚子醬，龍蝦好新鮮彈牙，好味，之後來咗Dover sole fish 　，都係整到好好味，最後再嚟和牛封門柳，真係好林好軟，好好味，最後來個千層拿破輪，感覺好甜，但係好鬆脆，今日晚餐算係好滿足，下次有機會再一定幫襯😋，對住咁靚嘅海景，同埋好美味的晚餐，非常之滿足，同埋好滿意。