Video
Read full review
2023-05-21
4029 views
✒懶人先睇總結-❀食物：價錢偏貴，質素普通，性價比不高。無邊一道菜特別有記憶點😂❀服務：一開頭會幫你加下水，後尾忙就無了❀環境：冇想像中靚，雖然食中菜但裝修係歐式。用餐區域係幾間唔同房仔，可能因為呢個原因店員都長期係走嚟走去。❀價錢：四人埋單$3,630 (叫咗龍蝦)推薦指數: 7/10-✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐✒有興趣再詳細睇-適逢母親節，當然要帶屋企人去食返餐好。唔講唔知原來1881內嘅大樓係一間酒店，酒店內有幾間餐廳，今次試一試呢間中菜廳。第一次係呢間古蹟內食飯，啱哂比媽媽打卡🤣-🎈煙燻三色素鵝 ($128)食入口有淡淡嘅煙燻味，口味清新。呢一道前菜大家都幾滿意～推薦指數: 8/10-🎈話梅冬瓜 ($128)見唔少人話好食所以試下，對我哋嚟講個味係唔啱食嘅。試完我會話話梅乾食會好食啲😂 真係好中意食話梅嘅人，可能會覺得OK，但呢個配搭我哋唔太識欣賞了。推薦指數: 6.5/10-🎈黑蒜海玉竹燉雞湯 (窩) ($568)黑蒜嘅味道非常重，甚至完全蓋過其他材料嘅味道。飲完湯仲有湯渣可以食，不過一樣係非常重黑蒜味，重到有少少Over咗😂推薦指數: 6.5/1
-
❀食物：價錢偏貴，質素普通，性價比不高。無邊一道菜特別有記憶點😂
❀服務：一開頭會幫你加下水，後尾忙就無了
❀環境：冇想像中靚，雖然食中菜但裝修係歐式。用餐區域係幾間唔同房仔，可能因為呢個原因店員都長期係走嚟走去。
❀價錢：四人埋單$3,630 (叫咗龍蝦)推薦指數: 7/10
-
✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐
✒有興趣再詳細睇
-
適逢母親節，當然要帶屋企人去食返餐好。唔講唔知原來1881內嘅大樓係一間酒店，酒店內有幾間餐廳，今次試一試呢間中菜廳。第一次係呢間古蹟內食飯，啱哂比媽媽打卡🤣
-
🎈煙燻三色素鵝 ($128)
食入口有淡淡嘅煙燻味，口味清新。呢一道前菜大家都幾滿意～
推薦指數: 8/10
-
🎈話梅冬瓜 ($128)
見唔少人話好食所以試下，對我哋嚟講個味係唔啱食嘅。試完我會話話梅乾食會好食啲😂 真係好中意食話梅嘅人，可能會覺得OK，但呢個配搭我哋唔太識欣賞了。
推薦指數: 6.5/10
-
🎈黑蒜海玉竹燉雞湯 (窩) ($568)
黑蒜嘅味道非常重，甚至完全蓋過其他材料嘅味道。飲完湯仲有湯渣可以食，不過一樣係非常重黑蒜味，重到有少少Over咗😂
推薦指數: 6.5/10
-
🎈川麻豆腦龍蝦 ($1,360)
因為媽媽唔食辣，所以店員推薦我哋可以叫走辣，湯汁會用上湯煮成。
龍蝦以每兩計算。 龍蝦加埋豆腦一齊食幾滑溜，上湯味道都唔錯。蔥就未必加得太多了吧🥹，有少少喧賓奪主，蓋過了龍蝦嘅鮮味⋯推薦指數: 7/10
-
🎈筍殼魚 ($498)
有幾種唔同嘅做法，店員推薦最大路嘅就係油泡。其實即係炸魚，佐料都係大量蔥同自行添加嘅蒸魚豉油。除咗口感之外，味道同平時喺屋企食蒸魚差唔多😂
推薦指數: 7/10
-
🎈無花果咕嚕黑豚肉 ($268)
無花果味道配搭甜酸醬都唔錯，雖然咕嚕球都脆但就冇想像中咁脆。都係普普通通😂
推薦指數: 7/10
-
🎈百寶荷葉飯 ($238)
份量就好夠大，用荷葉包住不過就冇荷葉味😂 叫做有個飯一定飽肚囉
推薦指數: 7/10
-
🎈生磨芝麻卷 ($78/3件)
味道唔太甜，可能幾適合老人家食。不過同樣芝麻味唔重，都幾清淡⋯😂
推薦指數: 6.5/10
-
🎈茗茶 ($112/4位)
去一啲稍為高級小小嘅中菜廳都會有個火熱住壺茶，不過呢到就冇啦😂 而且都冇人加水，食到最尾啲茶水就開始涼涼地⋯
-
✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐
✒其他小資訊
👉訂位：母親節都有空枱，應該唔難book
👉優惠：🈚️
Post
