KEW+

Open Now

Now Closed

今日同朋友在尖沙咀想搵個地方食吓嘢傾吓計，在海洋中心諗起呢間餐廳，餐廳裝修環境靚，打卡又靚，坐得舒服。我哋食呢啲個每人$198任食餐。呢個任食餐有pizza，多款炸物及串燒，飲品方面汽水，紅酒，白酒啤酒，其他酒類都係任飲。味淋魚乾一邊飲飲品一邊食呢個小食就最啱，魚竿不會太硬，沾上日式沙律醬吃好滋味。意式辣味香腸磨菇薄餅個Pizza係薄脆批，非常香脆，不會好飽滯。有勁多芝士，配埋意式辣肉腸，蘑菇同埋青椒，仲有啲微微Tabasco香辣，超好味。我哋好想叫埋另一款雜菌薄餅試，但係之後食得太飽放棄咗，唯有等吓次。串燒我哋試齊咁多款嘅串燒，串燒京蔥、串燒秋葵、串燒甜番薯、串燒雞腎、串燒雞軟骨同串燒雞皮。全部都高質素，新鮮熱辣，燒雞皮好似薯片咁香脆，雞軟骨亦好味。炸物我哋叫齊全部炸物款式，餐廳以拼盤形式上菜，擺盤以任食來講算精美。有和風餃子、炸薯條、炸蠔、脆炸雞粒配芝士醬及越式炸春卷。全部炸物都不會也很油膩。薯條特別香脆，帳號有蠔鮮味，個他他醬超好味。炸雞粒其實係雞球，個芝士醬咸香，蘸雞或者薯條都一流。飲品方面，我同朋友今日都唔想飲酒，所以只是點了可樂，餐廳個可樂唔馬虎，配上新鮮檸檬片，變成檸樂。