第一郡

Open Now

Now Closed

晚餐同左朋友去左食越南菜，餐廳位於酒麻地，幾近地鐵站，好就腳。座位闊落，都幾乾淨。點餐用qrcode，餐廳有水同班蘭水供應，班蘭水有淡淡嘅香味，清新解渴。食物方面，我地叫左蟹膏蕃茄湯檬份量超大非常鐘意餐廳落足配料，香菜，芽菜，生菜超足料，咬落爽口。 湯底帶少少酸味，飲落都好舒服。非常特別！蟹膏餅，食到有蟹肉，咬落香濃蕃茄 大大個嘅一半，煮得好入味，咬落有滿滿嘅湯汁。扎肉 爽口，幾彈牙豬紅 幾滑，咬落唔會太實豆卜吸哂d湯汁好好食。檬粉份量夠，食落爽滑。烤豬肉湯河烤豬肉分開上，唔洗膽心d浸淋。烤豬肉調味偏甜，上枱烤肉味好香濃。肉質嫰滑而且夠juicy。湯河配料同樣足，湯都幾清，河粉爽口。飲品加配椰皇同凍檸茶，椰皇汁味道清甜，解膩開胃。甜品叫左 芒果糯米卷性價比好惦，兩件大大件完整芒果，而且芒果超新鮮香甜，咬落多汁冇渣。推薦！餐廳仲有好多少見特色糕點，下次一於再試！