Video
Read full review
2023-12-24
233 views
聖誕節前夕, 同好姊妹去咗「鮨山月」嘆Omakase dinner。呈L形吧檯座位, 檯面上仍放著間板, 跟隔離食客有返少少私隱度, 不過就唔係個個位可以清楚睇到師傅處理食物過程。 Dinner供應兩款價錢嘅set, 我地揀咗最貴嘅「月」set – 共20品, HK$1880/位。 先來一個熱辣辣茶碗蒸: 蒸蛋用上雞白湯, 配有慢煮雞胸肉、北海道粟米, 蒸蛋滑得入口即溶又有雞白湯香甜, 淡蛋香, 粟米味有少少焦香。長崎生蠔配酸汁啫喱: 肥美爽甜, 海水味重。剝皮魚配魚肝醬: 剝皮魚為淡味魚, 魚肝醬令口感好滑又creamy, 仲有蔥粒清香。炙燒帆立貝: 表面掃上柚子醬灸燒, 帆立貝好厚, 灸至為7成熟, 紫菜夾住食, 清香不油膩。海鰻苗配土佐醋: 微酸土佐醋調味, 口感滑do do, 食落好似河粉。梳子魚經醬油燻過, 為全熟, 魚味濃。稻草煙燻過嘅鰹魚, 配上酸甜日本洋蔥、芽蔥, 以酸汁中和, 皮有陣陣煙燻味, 又有洋蔥搶口。鮟鱇魚肝配蕃茄清湯啫喱, 放上薄脆撻底, 鹹甜味濃又creamy。香箱蟹: 將蟹肉蟹膏mix, 鮮甜味十足, 有粒粒蟹粉口感, 甘香鮮味到了壽司環節, 壽司飯用上
呈L形吧檯座位, 檯面上仍放著間板, 跟隔離食客有返少少私隱度, 不過就唔係個個位可以清楚睇到師傅處理食物過程。
Dinner供應兩款價錢嘅set, 我地揀咗最貴嘅「月」set – 共20品, HK$1880/位。
先來一個熱辣辣茶碗蒸:
蒸蛋用上雞白湯, 配有慢煮雞胸肉、北海道粟米, 蒸蛋滑得入口即溶又有雞白湯香甜, 淡蛋香, 粟米味有少少焦香。
長崎生蠔配酸汁啫喱: 肥美爽甜, 海水味重。
剝皮魚配魚肝醬: 剝皮魚為淡味魚, 魚肝醬令口感好滑又creamy, 仲有蔥粒清香。
炙燒帆立貝: 表面掃上柚子醬灸燒, 帆立貝好厚, 灸至為7成熟, 紫菜夾住食, 清香不油膩。
海鰻苗配土佐醋: 微酸土佐醋調味, 口感滑do do, 食落好似河粉。
梳子魚經醬油燻過, 為全熟, 魚味濃。
稻草煙燻過嘅鰹魚, 配上酸甜日本洋蔥、芽蔥, 以酸汁中和, 皮有陣陣煙燻味, 又有洋蔥搶口。
鮟鱇魚肝配蕃茄清湯啫喱, 放上薄脆撻底, 鹹甜味濃又creamy。
香箱蟹: 將蟹肉蟹膏mix, 鮮甜味十足, 有粒粒蟹粉口感, 甘香鮮味
到了壽司環節, 壽司飯用上有味飯, 而所有壽司都經師傅調味, 基本上唔需要再額外調味已經不錯!
墨魚壽司: 墨魚切成幼粒, 有層次, 鮮味
深海池魚: 好滑好爽, 淡淡魚鮮。
縞蝦配上海葡萄、火灸蝦膏、蝦籽, 蝦質爽滑又creamy, 配料令口感有層次, 甘香香甜。
鰤魚: 林滑, 有魚香味
池魚, 同上蔥醬點驟調味, 林滑偏少少爽, 蔥醬清香濃郁
黑鯥, 皮層經備長碳碳燒, 皮有碳香
大拖羅: 無筋, 勁多油脂
北海道馬糞海膽: 自家醃製三文魚籽, 味道鹹甜有層次, 海膽入口即溶
右口魚邊, 紫菜包住, 爽滑甘香
魚味噌湯, 魚味濃郁, 正好食完壽司飲返熱辣辣嘅湯。
甜品就有清甜多汁嘅靜崗蜜瓜, 同埋自家製焙茶奶凍, 奶凍滑得入口即化, 有陣陣焙茶嘅清香。
Post
