吉野家 (Closed)

{{ 吉野家 }} 近年頻頻推出新配搭茶餐。佢地嘅下午茶餐一向抵食。Foodamin都係常客。只因又係平民價錢又係充飢之選。今日見到佢地推出左個$20 tea set 。 有一碗迷你牛肉飯 + 一件麻醬凍豆腐 + 一條司華力腸 +飲品。 迷你飯有3大片肥牛肉舖滿珍珠米上。洋蔥亦算多。芝麻醬一向好百搭。配上豆腐絕對冇唔好味嘅理由。至於司華力腸如果可以配上茄汁會比較出色。而家略嫌乾左小小。不過以$20 呢個價錢食到三款食物。質素唔差而且食到飽。都唔應該太過要求了。