吉野家 (Closed)

今日路過見到個招牌有鰻魚食，於是就走來試一試，呢個係鰻魚玉子雞肉飯，有溫泉蛋配凍檸茶，盛惠為$60🤤🤤🤤價錢雖然平，但食完之後覺得一個伏.......無下次首先主角鰻魚太冧，肉質去到梅梅地咁，應該都唔係新鮮，姐且份量得兩條仔，太少了😢😢😢😢😢😢雞肉普通，係無咩味，配個雞汁又太咸........食完唔知自己食左咩個溫泉蛋已經係最正，因為好難錯凍O tea都ok 👌👌總括依然，都係無下次😂😂😂😂😂

試新嘢用去吉野家嘅apps預訂食物。因為可以平啲，又唔使去到排隊，一流。$39肥牛丼連汽水，真係好抵。既然咁抵➕$6要個泡菜來餸飯。點知，$6的泡菜的盛載器好似人哋裝豉油的大小，就只有6小片，真係🔥都嚟！太過份啦！算！反正飯盒平左少少，就豪俾佢！不過，再買也一定不會加＄買😡

今天是假期，如常同屋企人出外食飯，諗唔到食咩好，細妹提議到商場入面既吉野家一家人烚下烚下。重新裝修嘅吉野家，比起以前更大更寬敞舒適，一家四口剛剛好坐係一個卡位入面，一向最喜歡最期待既濃湯湯底果然冇令我失望，最正係夾埋佢地獨有嘅芝士竹輪，再加埋一片片牛味都重嘅肥牛片，仲有彈牙嘅烏冬就飽晒啦😋😍！

有好多年無食吉野家早餐了。對上一次食佢嘅早餐，應該仲係16蚊有細牛飯的時間。簡簡單單的配搭，但有意外驚喜！ 首先魚柳是真魚柳，不是麥記那些合成魚柳！一梳梳魚肉，係真係唔同啲㗎 另外隻蛋份量十分足夠，亦整到有一層層，有蛋汁，都幾juicy的。 多士係提子多士，同平日唔同啲，都有啲新意 食嫌左平日港式連鎖快餐店，都可以黎試下吉野家嘅早餐！

相信大家對吉野家應該都唔陌生😀經常食火鍋嘅我，今次同朋友share左一個$71相撲鍋，裏面有小小雞，芝士丸等等，但我比較鍾意食之前個個鍋😭😭。btw我哋額外加咗一隻$3生蛋同$6.5娃娃菜，揀咗濃湯，烏冬，牛肉，雪碧。係吉野家食就唔好期望環境會好乾淨😂😂但啲員工都幾好😍👍🏻可能平日食所以夜晚唔多人坐得好鬆動👍🏻👍🏻，佢嘅濃湯係最好味😂😂但添湯嗰時就唔好再落如果唔係會好鹹😂😂整體上都好好味，佢個烏冬質地係我鍾意食嘅，肥牛都唔差，今次娃娃菜有啲少。

平時去吉野家都係食牛肉飯加牛汁，呢排要keep fit 所以今日嗌野菜雞扒飯仲要走汁。平時食問重口味嘅我竟然覺得呢個飯都ok 播。雞扒煎到幾香口，配埋野菜感覺唔會好乾爭爭。下次想乖乖食好啲又多個選擇啦！P.S個飯份量比較少。

啱啱收工，同同事戇居居諗住食個牛飯做宵夜啦，點知行去去見到個新出既海蜆火鍋，仲要係蕃茄味，身為蕃茄湯控既我，當然唔會放棄呢個機會。平時我都好少合會打食評，但呢個湯底真係要讚下。首先試個蕃茄湯夠濃味雖然其他食材同以前個啲火鍋差唔多就唔特別再講。食呢個蕃茄湯火鍋重點要加佢一包辣椒片，個人覺得係絕配，濃濃既蕃茄香配上辣椒，酸甜得黎仲有辣香正！呢個鍋啲蜆其實都唔差，70蚊黎講都叫好食，除左係細隻少少之外，都算合格，不過數量搭救，但唯一扣分係啲蜆有幾隻有沙。

出發去海洋公園前醫醫肚先，每次問阿女都話食雞雞飯(吉野家), 來到order:-牛肉飯餐 + 溫泉玉子(老婆指定配搭) -野菜煎雞飯餐(阿女最愛雞雞飯) -京葱牛舌井 (有驚喜) 薄切牛舌配搭埋七味粉好野味, 值得推介

🔹野菜煎雞米粉 $29貪平又見自己未食過所以走左去食佢嘅早巿當lunch🤣原來「去皮」可以喺講單嘅時候講埋,佢會幫你去埋！味道:🔅🔅🔅啲菜還好,咬落有少少汁,唔會又硬又無味;雞嘅部分表面幾油,但食落係乾嘅,不過我係鐘意食乾嘅肉🙈,煎燶左嘅位就搶左啲味,說穿了就係雞唔夠雞味😟;米粉都唔錯,份量多！健康指數:🔅🔅🔅🔅咁經典嘅「去皮走汁」相信大家都聽過😆再加少少菜同埋食米粉一定無錯！賣相:🔅🔅🔅

夜晚食吉野家，緊係要打邊爐。我最鍾意佢嘅芝士竹輪鍋，不過睇餐牌先知原來佢已經冇咗以前50幾蚊嗰種火鍋，得返$72嘅芝士竹輪鍋，不過啲餸就多好多。以前淨係可以揀牛肉或者雞肉，而家就兩款肉都有，仲有三舊芝士竹輪。佢啲牛肉嘅份量都幾多，但係個人認為有啲太肥，相反雞肉又太瘦。其他配料就同以前差唔多，有南瓜、粟米、豆腐、蟹柳、金菇、冬菇、豆卜同埋菜，樣樣餸都同濃湯好夾，好好食。雖然啲肉嘅質素麻麻地，但係呢間分店有好多位，又唔會好迫，落單同出菜都好快，而且啲店員周不時會幫你收起啲碟，個人認為係唔錯嘅分店。

平時成日都食吉野家下午茶，好似都開始遺忘左吉野家夜晚有得打邊爐咁於是同友人即刻今晚去打邊爐，而家吉野家多咗好多唔同嘅款式，之前得牛肉同豬肉揀。但依家有蜆、雞肉、蟹棒、芝士腸、蟹籽條、金菇之類。湯底又埋蕃茄、味噌、豆乳不過我都係叫返最經典的壽喜牛肉火鍋甜甜的醬油襯烏冬同牛肉都係一流

今日收工要去九龍灣上堂進修，中間得45分鐘空餘時間，可以比我食個晚餐，填一填肚。 呢舖真係活到老學到老，好彩只係上一堂。 我約左朋友收工係吉野家邊食邊等，但工作量十分重既朋友就仲未收工，咁我就食住先。 因為我對牛肉容易敏感，今晚就叫個細既野菜煎雞飯，再加2蚊，轉新鮮檸檬茶，呢個組合幾乎係我每次必叫既。 煎雞既雞肉滑嫩，温泉蛋烹調温度同時間都岩岩好，珍珠粒又粒粒飽滿。 好味到一食就停唔到，15分鐘就食完呢個飯啦！

{{ 吉野家 }} 近年頻頻推出新配搭茶餐。佢地嘅下午茶餐一向抵食。Foodamin都係常客。只因又係平民價錢又係充飢之選。今日見到佢地推出左個$20 tea set 。 有一碗迷你牛肉飯 + 一件麻醬凍豆腐 + 一條司華力腸 +飲品。 迷你飯有3大片肥牛肉舖滿珍珠米上。洋蔥亦算多。芝麻醬一向好百搭。配上豆腐絕對冇唔好味嘅理由。至於司華力腸如果可以配上茄汁會比較出色。而家略嫌乾左小小。不過以$20 呢個價錢食到三款食物。質素唔差而且食到飽。都唔應該太過要求了。

放假⋯係九龍灣田吉野下午茶。今日試新野✨叫左個有炸雞翼配薯角+細牛飯+凍檸茶下午茶餐⋯雞翼同薯角炸得好脆，香口好味！但驚唔夠飽⋯加多一塊綠茶榛子多士。最近吉野家招募會員，App join左做會員，送一碗馬薯忌廉湯，好濃味👍🏻抵食又夠飽既下午茶😊😊

星期六⋯下午茶時間⋯去左九龍灣吉野家食下午茶。哩度下午茶都算抵⋯我叫左個野菜煎雞飯（細）套餐，轉左鮮檸凍檸茶⋯仲要加奶醬多士，都係$38.9⋯好抵食！$40有找⋯都算經濟又抵食！而家都唔算多人⋯仲有梳化位坐😁