97
28
10
Level4
1K
0
❀ 星宴中餐廳 #尖沙咀 ❀❗️$200都唔使五星級中式六道菜 超精緻點心❗️——————————————————係幾個月前搶到呢個-星宴「點心誘惑」六道菜午市套餐,原價$298,當時以$168買到🤩可惜因為疫情緣故,拖到而家先有機會食,好在始終都食到,因為呢個價錢有六道菜式的確好抵食,而且點心非常精緻又好味,可以一試💕雖然當時嘅優惠就完咗,但留意到佢哋最近有做$188點心放題,因為去到8月31日,推薦大家趁優惠期間快啲試吓!.位於九龍站上蓋嘅W Hotel酒店都算係知名嘅五星級酒店,內裏嘅中菜廳當然唔會太差,每一台都係獨立廂房咁,疫情期間都唔會怕坐得太近👍🏻。.✷𝑀𝑒𝓃𝓊✷先會送上兩碟小前菜,分別係火腿同糖漬蕃茄,然後就會正式進入六道菜。.☞ 是日老火湯🍲當日係粉葛靚魚豬骨湯,熬製得都幾濃味,雖然略嫌有啲太鹹,但當一個普通中式湯先暖下個胃都可以。.☞點心拼盤🥟重頭戲!一共有五件非常精美嘅點心,真係款款有驚喜🤩!❶黑松露醬草菇頭包-黑松露味非常之濃郁,另外仲有多種菇菌增添口感,非常有驚喜。❷胡蘿蔔鹹水角-比起一般嘅鹹水角煙韌,口感非常有趣,內裏係包住火腿等等香口嘅餡料!❸黑魚子龍蝦盞-雖然
Read full review
❀ 星宴中餐廳 #尖沙咀 ❀
❗️$200都唔使五星級中式六道菜 超精緻點心❗️
——————————————————
係幾個月前搶到呢個-星宴「點心誘惑」六道菜午市套餐,原價$298,當時以$168買到🤩可惜因為疫情緣故,拖到而家先有機會食,好在始終都食到,因為呢個價錢有六道菜式的確好抵食,而且點心非常精緻又好味,可以一試💕雖然當時嘅優惠就完咗,但留意到佢哋最近有做$188點心放題,因為去到8月31日,推薦大家趁優惠期間快啲試吓!
.
位於九龍站上蓋嘅W Hotel酒店都算係知名嘅五星級酒店,內裏嘅中菜廳當然唔會太差,每一台都係獨立廂房咁,疫情期間都唔會怕坐得太近👍🏻。
.
✷𝑀𝑒𝓃𝓊✷
先會送上兩碟小前菜,分別係火腿同糖漬蕃茄,然後就會正式進入六道菜。
.
☞ 是日老火湯🍲
當日係粉葛靚魚豬骨湯,熬製得都幾濃味,
雖然略嫌有啲太鹹,但當一個普通中式湯先暖下個胃都可以。
.
☞點心拼盤🥟
重頭戲!
一共有五件非常精美嘅點心,真係款款有驚喜🤩!
❶黑松露醬草菇頭包-黑松露味非常之濃郁,另外仲有多種菇菌增添口感,非常有驚喜。
❷胡蘿蔔鹹水角-比起一般嘅鹹水角煙韌,口感非常有趣,內裏係包住火腿等等香口嘅餡料!
❸黑魚子龍蝦盞-雖然龍蝦唔突出,似係食緊蝦滑,但係配上甜甜地嘅曲奇皮,成個味道配搭又幾唔錯。
❹蟹子燒賣-夠晒大粒,內裏都好多彈牙嘅蝦。
❺南瓜蟹肉金魚餃-全日最愛,超級大粒有大量非常綿滑嘅餡料,再夾雜着絲絲嘅蟹肉,雖然南瓜味就消失咗,但絕對係一個非常高質嘅餃!
.
☞ 上湯浸時菜🥬
當日係菜心,個上湯都幾清甜,每條菜心都索曬湯。
.
☞是日廚師精選
有兩款選擇,分別係香菇瘦肉粥、避風塘炸蝦球。
以粥作為精選就有少少失望,都幾清淡🙈。
相反避風塘炸蝦球就香口好多,不過得兩粒,亦未算最彈牙,以精選來講就有少少失色🤭!
.
☞帶子荷葉飯/黑松露醬野菌金菇炆伊麵
另外每人有一碗飯/面,細細碗但食完點心之後已經非常之飽所以夠晒🤣!
荷葉飯粒粒分明,略有少少荷葉香氣👍🏻。
更喜歡伊麵,黑松露醬非常非常香濃,而且加上各種菌類,成個味道非常複雜,炆到非常入味🥰!
.
☞芝麻甜品
有芝麻糊、芝麻卷同埋白芝麻酥餅,一次過滿足三個願望🖤!
平時食開台灣芝麻嘅我習慣咗無糖偏苦,所以略嫌佢個芝麻糊有啲太甜,但係的確夠稠、夠香濃!
芝麻卷相對失色少少,有啲過於腍,似係糊狀😶。
反而個芝麻酥餅真係超正,超級酥化,香口至極😋!
——————————————————
☞ 星宴「點心誘惑」六道菜午市套餐 優惠價$168
味道: 4.2/5 性價比: 4.6/5
.
整體來講呢餐的確幾滿足,雖然唔係每一道菜都非常高質,但以呢個價錢可以食到咁多道菜真係非常抵食,絕對收貨👍🏻而且佢嘅點心的確非常精緻美味,係成餐嘅焦點,建議大家可以一試佢依家$188嘅點心放題(至8月31日),相信比呢個六道菜更加滋味抵食(*☻-☻*)!
星宴「點心誘惑」六道菜午市套餐前菜
66 views
1 likes
0 comments
是日老火湯  粉葛靚魚豬骨湯
71 views
0 likes
0 comments
點心拼盤
205 views
1 likes
0 comments
上湯浸時菜
54 views
0 likes
0 comments
是日精選  避風塘炸蝦球
89 views
0 likes
0 comments
黑松露醬野菌金菇炆伊麵
114 views
0 likes
0 comments
帶子荷葉飯
60 views
0 likes
0 comments
黑松露醬野菌金菇炆伊麵
70 views
0 likes
0 comments
是日精選  香菇瘦肉粥
52 views
0 likes
0 comments
芝麻甜品碟
63 views
0 likes
0 comments
1820 views
2 likes
0 comments
212 views
0 likes
0 comments
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Dining Method
Dine In
Recommended Dishes
星宴「點心誘惑」六道菜午市套餐前菜
點心拼盤
上湯浸時菜
是日精選  避風塘炸蝦球
黑松露醬野菌金菇炆伊麵
帶子荷葉飯
黑松露醬野菌金菇炆伊麵
芝麻甜品碟