翅福酒家 (Closed)

是日筆者嘅岳父從外地公幹返港，咁啱岳母有約在身未能陪岳父食晚飯。作為一名孝順女，太座又點會捨岳父於不理。於是聯同筆者姨仔四個人到太古吉之島一帶食飯。由於吉之島內嘅食肆實在太旺場，唯有轉戰位於康蘭居嘅「翅福酒家」。見網上討論話呢間酒家食物又貴又唔好食，不過就筆者所體會，質素冇討論區所講得咁差。今次點菜由太座發辦，包括白菜豬骨湯伴裙翅仔、芒果排骨、帶子釀豆腐、火腿津白及啫啫雞煲，之後各人都叫了一碗桂圓糖水。白菜湯火喉十足，因為落咗豬骨關係，湯水味道甘甜，豬骨旁邊嘅肉亦煲得很腍，愛美嘅太座可以乘機吸收骨膠原；芒果排骨係取芒果甜中帶酸嘅味道而演化出嚟嘅糖醋骨，不過味道就唔會好似糖醋骨般那麼激烈，因為芒果嘅果酸關係，排骨嘅肉已經離骨，大家都很輕易將排骨肉用牙撕開。豬肉唔會太瘦，肉汁亦充足，配合酸甜味，另人十分開胃；釀豆腐亦是一款出外常吃嘅小菜，以開邊帶子釀在豆腐上。帶子雖小，但肉質鮮甜爽脆，豆腐亦香滑，蘸上豉汁，也是送飯嘅極品；雞煲也不錯，雞肉外表金黃，咬落香脆，符合「啫啫」煮法所希望得到嘅效果；津白炆得唔夠腍，亦唔係太入火腿味，比較失色。桂圓糖水不俗，龍眼肉爽還保持有嚼勁，糖水亦清香，不過筆者