Video
Read full review
2009-06-02
69 views
星期六，天陰翳焗。筆者與太座於英倫放了一個星期悠閒假期，給繁忙嘅2009上半年充了電，好迎接下半年嘅挑戰。下機翌日，相約一大班友好聚餐，太座則因jet lag而「倦勤」。大家同屬三十世代，事業均初見成就，飯局嘅地點不能馬虎。所以千揀萬揀，都係揀了穩陣不怠嘅龍頭食肆。講到食官府菜嘅龍頭，也不得不提位於帝苑酒店嘅「東來順」。第一次光顧此店大約在兩年前嘅秋天，被其得獎菜式「鶴湖蟹影」及「松子桂魚」所吸引。今次故地重遊，一不點「鶴湖蟹影」(因為不合時令，沒有用大閘蟹做餡)，二沒有叫涮羊肉(因友人中部份受不了羊羶味)，兩大名菜皆沒有列入菜單。不過，出色嘅餸菜還真不少，一行九人，點了三味冷盤、六道熱葷及五種甜品，還加了一支紅酒點綴。冷盤水晶羊肉 – 沒有涮羊肉，改以此冷盤滿足一下好羊嘅友人。外貌近似「鎮江肴肉」，以羊肉絲加上用大菜糕銷起嘅鹵汁呈上。稱得上水晶，卻不至於晶瑩剔透。不過入口已能感受到淡淡嘅羊味正慢慢滲出，好羊之人會覺得滿意。相比起熱辣辣嘅涮羊肉，冷凍食法又別有一番滋味。以個人口味而言，筆者還是覺得熱食更合心意；雞絲粉皮 – 一款各大京川滬菜館都有供應嘅家常冷盤，以雞絲、粉皮佐以麻醬上菜
第一次光顧此店大約在兩年前嘅秋天，被其得獎菜式「鶴湖蟹影」及「松子桂魚」所吸引。今次故地重遊，一不點「鶴湖蟹影」(因為不合時令，沒有用大閘蟹做餡)，二沒有叫涮羊肉(因友人中部份受不了羊羶味)，兩大名菜皆沒有列入菜單。不過，出色嘅餸菜還真不少，一行九人，點了三味冷盤、六道熱葷及五種甜品，還加了一支紅酒點綴。
冷盤
水晶羊肉 – 沒有涮羊肉，改以此冷盤滿足一下好羊嘅友人。外貌近似「鎮江肴肉」，以羊肉絲加上用大菜糕銷起嘅鹵汁呈上。稱得上水晶，卻不至於晶瑩剔透。不過入口已能感受到淡淡嘅羊味正慢慢滲出，好羊之人會覺得滿意。相比起熱辣辣嘅涮羊肉，冷凍食法又別有一番滋味。以個人口味而言，筆者還是覺得熱食更合心意；雞絲粉皮 – 一款各大京川滬菜館都有供應嘅家常冷盤，以雞絲、粉皮佐以麻醬上菜。這冷盤嘅精要在於麻醬嘅調配及粉皮是否夠彈牙。可能筆者係食水尾關係，碟上嘅麻醬所餘無幾，察覺唔到麻醬嘅香濃味，而且粉皮口感比較散，以東來順嘅大名，可謂水準以下；四喜烤夫 – 是一味上海菜。傳統上「四喜」包括鮮冬筍、香菇、木耳和金針，「烤夫」則是蒸過嘅麵筋。此味雖是上海菜，但醬油及糖嘅控制功夫到家，唔會出現過鹹或過甜嘅情況。
熱葷
松子桂魚 – 記得第一次嚟這裡食此菜嘅時候，曾驚歎廚師下松子毫不吝嗇，是晚再次品嚐此菜，廚師較前吝嗇了，不過酸甜汁嘅調較依然是十分出色，不太酸亦不太甜，加上炸得金黃、連骨也炸得酥軟嘅桂魚塊，令人食慾大振。以此菜論，其水準在本地可謂數一數二了；干扁四季豆 – 是一味客家菜，故雖然係四季豆，都充分體現了客家菜嘅鹹、肥及香。這裡嘅四季豆炒得不太香，可是亦唔會太鹹或太油膩，算是比較健康的了。筆者想做得比東來順出色嘅干扁四季豆，為數應不少；上湯浸莧菜 – 雖則是一道較為清淡嘅菜式，但偶一不慎，一則上湯味太濃(即是以味精湯取代雞湯)，二則莧菜煮得鞋烚烚。猶幸這裡對簡單菜式嘅處理也不馬虎了事；北京片皮鴨(兩食) – 烤鴨嘅水準已相當之高，鴨肉嫩滑充滿油香之餘，鴨肉本身並無太多多餘嘅脂肪。配以青瓜絲、香蔥及甜醬汁，既清新又能享受鴨肉香。唯一不足之處是用嚟包裹鴨皮嘅餅皮被水氣蒸得有點過軟，稍為乾身一點效果會更好。第二食以鴨崧配生菜，鴨肉鬆軟嫩滑，做成生菜包，味道都唔錯喎；三鮮鍋貼 – 分別用蝦、豬及羊做餡料。鍋貼被餡料塞得滿滿的，材料十足。外皮薄煎得帶少少香脆，內裡肉質鮮美，肉汁豐富，但又唔太油膩，水準令人滿意；上海炒年糕 – 估唔到在京菜館也能食得到這麼多其他菜系嘅菜式。這道炒年糕，筆者認為炒得不錯，但鄰座嘅E律師認為太鹹。可能大家口味不同，又或者師傅炒得唔夠均勻，至於實際是那種原因，則無從稽考；
甜品
流沙金球 – 擁有令在座數位女士為之心動嘅奶黃作餡料，係煎堆及奶黃飽嘅混合體。筆者雖沒有機會品嚐，但從各位女士嘅面部滿足嘅表情可略知一二；玫瑰荔枝榚 – 相比起另一款南瓜菊花糕嘅清香及晶瑩剔透，似乎玫瑰荔枝糕較為遜色。一則上層啫哩部分比較混濁，影響觀感；二則入口並未能感受到玫瑰花嘅馥郁香氣，取而代之反而係斧鑿痕跡甚深嘅人工甜味，係咁多款甜品之中最為失色；高力豆沙 – 食京菜甜品嘅指定動作。外觀是對辦的，但筆者並冇親嚐之，故不作評論；擂沙湯圓/驢打滾 – 材料、質感類似，所以合併一齊講。口感煙韌，無論係芝麻餡或紅豆餡，甜味雖算不上激烈燦爛，但恰到好處，含蓄內歛。如果樣樣餸嘅味道都弄得五光十色，實教人/味蕾太沉重。以甜味適中嘅甜品作結，才能為盛宴劃上完美句讀。
服務一環，仍與第一次光顧時差不多，沒有可見嘅進步，可能設席於廂座，服務員未能經常以第一時間去招呼我們，替茶壺添水之後亦沒有跟進替客人添水/茶。以此店嘅質素，這樣嘅服務顯然有所不及。
原價差不多二千五百元嘅晚膳，用了openrice八五折優惠劵，折實二千二百元，平均每人二百四十五元，兼且有三小時免費泊車優惠。最開心嘅係各朋友飯後都一致覺得是次晚飯整體出色，不枉筆者嘅推介。
Post
